تشريف فرما هئا، اتان کان ئي لپَ ڀريائون ۽ عطا فرمائي ڇڏيائون. خبر پئي: ظاهري اکين سان ڪجھ نظر اچي رهيو هجي يا نظر نه اچي رهيو هجي، محبوب صَلَّى اللّٰهُ عَلَيۡهِ واٰلِهٖ وَسَلَّم اهي آهن جو جتي ويندا آهن، هر شيءِ جا خزانا ساڻ هوندا آهن، سوالي پهچندو آهي، انتظار جي زحمت به ناهن ڏيندا، فوراً ئي سڀ ڪجھ عطا فرمائي ڇڏيندا آهن. اعليٰ حضرت رَحْمَةُ اللهِ عَلَيْه لکن ٿا:

نعمتیں بانٹتا جس سمت وہ ذیشان گیا                                                   ساتھ ہی منشئ رحمت کا قلمدان گیا^([1])

وضاحت: رحمت ۽ ڪرم ڪرڻ وارا آقا، محبوبِ خُدا صَلَّى اللّٰهُ عَلَيۡهِ واٰلِهٖ وَسَلَّم الله پاڪ جون نعمتون ورهائڻ جي لاءِ جنهن پاسي به تشريف وٺي ويا، سندن رحم و ڪرم لکڻ وارو ڪاتِب به پنهنجو قلمدان(مس قلم رکڻ واري ننڍي پيتي) کڻي سندن گڏ انهيءَ طرف هلڻ لڳو.

   سُبحٰن الله! هي آهن محبوبِ خُدا صَلَّى اللّٰهُ عَلَيۡهِ واٰلِهٖ وَسَلَّم جا خزانا جيڪي سندن ڏنا ويا آهن، پاڻ صَلَّى اللّٰهُ عَلَيۡهِ واٰلِهٖ وَسَلَّم جتي هوندا آهن، سڀ ئي خزانا گڏ رهندا آهن، سوالي گهرندا ويندا آهن، سندن عطا فرمائيندا ويندا آهن.

(4): مَحبوبِ خُدا صَلَّى اللّٰهُ عَلَيۡهِ واٰلِهٖ وَسَلَّم حاضر و ناظر آهن

   پيارا اسلامي ڀائرو! شُهداءِ اُحد تي نماز پڙهڻ واري حديثِ پاڪ جيڪا اسان ٻڌي، ان ۾ پاڻ صَلَّى اللّٰهُ عَلَيۡهِ واٰلِهٖ وَسَلَّم هڪ ڳالھ هيءَ به فرمائي ته وَاَنَا ‌شَهِيدٌ ‌عَلَيْكُمْ  وَاِنِّي وَاللَّهِ لَاَنْظُرُ اِلَی حَوْضِي اَلْآنَ يعني اي منهنجا صحابه! مان جلد ئي دنيا مان پردو فرمائي ويندُس پر هي نه سمجھجو ته توهان منهنجي نظر کان غائب ٿي ويندؤ، نه...!! نه. اَنَا ‌شَهِيدٌ ‌عَلَيْكُمْ مان توهان تي گواھ آهيان (منهنجي قيامت تائين اچڻ واري امت جيڪو ڪجھ ڪندي، مان انهن سڀني تي گواھ آهيان)، منهنجو شان هي آهي جو خُدا جو قسم! منهنجو حوضِ ڪوثر جيڪو قيامت جي ميدان ۾ هوندو، مان ان کي اڄ ۽ هن