Book Name:Har Makan Ka Ojalah Hamara Nabi
ته انهن جون زبانون بند ٿي وينديون، هاڻي هي نه چوندا ته محمد صَلَّى اللّٰهُ عَلَيۡهِ واٰلِهٖ وَسَلَّم به موقعي تي موجود نه هئا، هي ڪيئن ٿا گواھي ڏئي سگهن؟ پر قربان وڃو! ان ڏينهن رسولِ اڪرم صَلَّى اللّٰهُ عَلَيۡهِ واٰلِهٖ وَسَلَّم جي حاضر و ناظر جو شان ايترو واضح ۽ ظاهر ٿيندو، غير مُسلم به مڃي ويندا ته محمد اکين ڏٺي جا گواھ آهن، جيتوڻيڪ دنيا ۾ بعد ۾ تشريف وٺي آيا هئا پر سندن حاضر به آهن، ناظر به آهن، بظاهر موجود نه هوندي به اسان تي گواھ آهن.
اعليٰ حضرت امامِ اهلسنت امام احمد رضا خان رَحْمَةُ اللهِ عَلَيْه لکن ٿا:
فرش تا عرش سب آئینہ ضمائر حاضر بس قسم کھائیے اُمِّی تِری دانائی کی
وضاحت: فرش کان عرش تائين، ستن زمينن جي هيٺان کان وٺي ڪري ستن آسمانن جي مٿان تائين جيڪو ڪجھ به موجود آهي، اهو پياري آقا، مڪي مدني مصطفيٰ صَلَّى اللّٰهُ عَلَيۡهِ واٰلِهٖ وَسَلَّم جي مبارڪ اکين جي سامهون هڪ صاف سٿري آئيني جيان حاضر ۽ موجود آهي ڄڻ پاڻ صَلَّى اللّٰهُ عَلَيۡهِ واٰلِهٖ وَسَلَّم جڏهن چاهين جيڏانهن چاهين نظر فرمائن. اي منهنجا پيارا پيارا آقا، مڪي مدني مصطفيٰ صَلَّى اللّٰهُ عَلَيۡهِ واٰلِهٖ وَسَلَّم! اسان کي واقعي اوهان جي دانائي ۽ علم و فراست جو قسم کڻڻ گهرجي.
پيارا اسلامي ڀائرو! الله پاڪ فرمائي ٿو:
اِنَّاۤ اَرۡسَلۡنٰکَ شَاہِدًا وَّ مُبَشِّرًا وَّ نَذِیۡرًا ۙ(۸)
ترجمو ڪنز العرفان: بيشڪ اسان توهان کي گواهه ۽ خوشخبري ڏيڻ وارو ۽ ڊيڄاڙيندڙ بڻائي موڪليو. (سيپارو: 26، سورتِ فتح: 8)
يعني اي پيارا محبوب صَلَّى اللّٰهُ عَلَيۡهِ واٰلِهٖ وَسَلَّم! اسان اوهان کي گواھ بڻائي ڪري موڪليو آهي. اوهان ڪنهن تي گواھ آهيو؟ پنهنجي امت تي گواھ آهيو. هاڻي سوال هي آهي ته اوهان جي امت ۾ ڪير ڪير شامل آهي؟ هن جو جواب به قرآن کان ٻڌو! الله پاڪ فرمائي ٿو: