وَ وَجَدَكَ عَآىٕلًا فَاَغْنٰىؕ(۸) (پارہ:30، الضحیٰ:8)

تَرْجَمَۂ کَنْزُالْعِرْفَان:اور اُس نے تمہیں حاجت مند پایا تو غنی کر دیا۔

یعنی اے پیارے مَحْبُوب صَلَّی اللہ عَلَیْہِ وَ آلِہٖ وَسَلَّم! آپ کا رَبِّ کریم جس نے پہلے آپ پر ایسے ایسے احسانات فرمائے ہیں، کیا وہ رَبِّ رحمٰن آپ کو چھوڑ دے گا، آپ سے ناراض ہو گا...؟ نہیں...!! نہیں، ایسا ہر گز نہیں ہو گا، آپ تسلی رکھئے! اپنا دِل پُر سکون رکھئے! آپ کا رَبّ ہمیشہ آپ کے ساتھ ہے، جیسے پہلے آپ پر انعامات فرماتا ہے، یہ انعامات کی بارِش ہمیشہ آپ پر برستی ہی رہے گی۔

رَحمَۃٌ لِّلْعٰلَمِیْں ہو، اور شَفِیْعُ الْمُذْنِبِیْں ہو

فَضلِ ربّ سے کیا نہیں ہو، بعد ربّ کے بس تمہیں ہو

یَانَبِی سَلَامٌ عَلَیْکَ یَارَسُوْل سَلَامٌ عَلَیْکَ

یَاحَبِیْب    سَلَامٌ     عَلَیْکَ     صَلَوٰۃُ      اللہ       عَلَیْکَ^([1])

 سُبْحٰنَ اللہ! کیا شان ہے میرے آقا ومولیٰ، مکی مَدَنی مصطفےٰ صَلَّی اللہ عَلَیْہِ وَ آلِہٖ وَسَلَّم کی...!! رَبِّ رحمٰن آپ سے کیسی محبّت فرماتا ہے، آپ صَلَّی اللہ عَلَیْہِ وَ آلِہٖ وَسَلَّم کا دِل مبارک میلا ہو، اللہ کریم کو یہ منظور ہی نہیں ہے۔ اِسی لئے تو مولانا حسن رضا خان صاحِب رَحمۃُ اللہ عَلَیْہ کہتے ہیں:

کسی کو کسی سے ہوئی ہے نہ ہو گی                                                       خُدا    کو     ہے    جتنی    محبّت    کسی    کی

لفظِ یتیم کے 2 معنیٰ

پیارے اسلامی بھائیو! اللہ پاک نے فرمایا: