کا غضب نہیں رہنے دیا^([1]) (یعنی سب کو ہی جہنّم سے نکال لیا ہے)۔

تمہارا نام مصیبت میں جب لیا ہو گا                                    ہمارا بِگڑا ہوا کام بن گیا ہو گا

گناہگار پہ جب لُطْف آپ کا ہو گا                                           کِیَا بغیر کِیَا، بے کِیَا، کِیَا، ہو گا

دِکھائی جائے گی محشر میں شانِ محبوبی                              کہ آپ ہی کی خوشی آپ کا کہا ہو گا

خُدائے پاک کی چاہیں گے اگلے پچھلے خوشی                        خدائے پاک خوشی اُن کی چاہتا ہو گا^([2])

روزِ قیامت مَحْبُوب ِذیشان صَلَّی اللہ عَلَیْہِ وَ آلِہٖ وَ سَلَّم اپنی گنہگار اُمّت پر کیسا کرم فرمائیں گے، اُمّت سے کیسا نِرالا اِظہارِ محبّت ہو گا...!! آپ مالِکِ جنّت ہیں، چاہیں تو سب سے پہلے جنّت میں تشریف لے جائیں بلکہ جنّت کا دروازہ آپ ہی کھلوائیں گے مگر قربان جائیے! ایسی عظیم محبّت پر...!! ہم گنہگاروں پر ایسی کرم نوازیوں پر قربان جائیے!آپ صَلَّی اللہ عَلَیْہِ وَ آلِہٖ وَ سَلَّم کا کیا نِرالا انداز ہو گا...؟ مولانا حسن رضا خان صاحِب رَحمۃُ اللہ عَلَیْہ لکھتے ہیں:

کسی کے پاؤں کی بیڑی یہ کاٹتے ہوں گے  کوئی اسیرِ غم اُن کو پُکارتا ہو گا

کوئی کہے گا دُہائی ہے یارسول اللہ!                                                 تو کوئی تھام کے دامن مَچَل گیا ہو گا

پکڑ کے ہاتھ کوئی حالِ دِل سُنائے گا                                       تو رَو کے قدموں سے کوئی لپٹ گیا ہو گا

کوئی قریبِ ترازو، کوئی لبِ کوثَر                                                           کوئی صِراط پر اُن کو پُکارتا ہو گا

یہ بےقرار کرے گی صَدا غریبوں کی                                   مقدس آنکھوں سے تار اَشک کا بندھا ہو گا

ہزار جان فِدا نَرْم نَرْم پاؤں سے                                                          پکار سُن کے اَسیروں کی دوڑتا ہو گا

عزیز بچہ کو ماں جس طرح تلاش کرے                          خدا گواہ یہی حال آپ کا ہو گا^([3])