نیکیاں کم ہوں گی * کوئی سر سے پاؤں تک گنہگار ہو گا * ایسے موقعے پر اپنے غُلاموں کے نیکیوں کے پلڑے وزنی کروا رہا ہوں گا۔

جن کو اپنا نہیں غم ہمارے لیے                                                       دوڑے جھپٹے وہ پاؤں اُٹھا کر چلے

ابھی میزان پر تھے ابھی پُل پہ ہیں                                                  پَل میں گرتے بچائے بچا کر چلے^([1])

تیسرا موقع حوضِ کوثَر ہے، میرے غُلام روزِ قیامت پیاس کی شِدَّت سے نڈھال ہوں گے، میں انہیں حوضِ کوثَر کا پانی پلا کر سیراب کر رہا ہوں گا۔

اِدھروہ گرتوں کوتھام لیں گے اُدھرپیاسوں کوجام دیں گے

صِراط و میزان و حوضِ کوثَر یہیں وہ عالی مقام ہو گا^([2])

اللہ کریم ہم گنہگاروں پر کرم فرمائے! کاش! ہم بدنصیبوں کو بھی روزِ قیامت شَفاعت کی بھیک نصیب ہو جائے۔ آئیے! بارگاہِ مصطفےٰ میں عرض کرتے ہیں:

اَسْئَلُکَ الشَّفَاعَۃَ یارسول اللہ! اَسْئَلُکَ الشَّفَاعَۃَ یارسول اللہ!

یا رسول اللہ صَلَّی اللہ عَلَیْہِ وَ آلِہٖ وَ سَلَّم!ہم غریب آپ سے شفاعت کے سوالی ہیں۔

عظیم عاشِقِ رسول مولانا جامی رَحمۃُ اللہ عَلَیْہ لکھتے ہیں:

چُوْں بَازُوْئِے شَفَاعَتْ رَا کُشَائِیْ بَرْ گُنْہَگَارَاں

مَکُنْ مَحْرُوْمْ جَامِی رَا دَرَاں آں یَارَسُوْلَ اللّٰہ

وضاحت: یارسول اللہ! روزِ قیامت جب  آپ گنہگاروں کے لئے شَفاعت کے بازُو کھولیں گے تو اپنے عاشق عبدالرحمٰن جامی کو اس وقت محروم نہ چھوڑئیے گا۔