ترین وقت میں بھی ہم گنہگاروں کو بخشوانے اور جنّت میں پہنچانے کے لئے میدانِ محشر ہی میں موجود ہوں گے۔ اعلیٰ حضرت کے بھائی جان، مولانا حسن رضا خان رَحمۃُ اللہ عَلَیْہ اس وقت کی کیفیت (Situation)کو اَشْعَار کی صُورت میں یُوں بیان کرتے ہیں:

کسی کے پَلَّہ پہ یہ ہوں گے وقتِ وزن ِعمل کوئی اُمِّید سے منہ اُن کا تَک رہا ہو گا

کوئی قریبِ ترازو، کوئی لبِ کوثر                                                           کوئی صِراط پر اُن کو پُکارتا ہو گا

ہزار جان فِدا نرم نرم پاؤں سے                                                          پُکار سُن کے اَسِیْروں کی دوڑتا ہو گا

عزیز بچہ کو ماں جس طرح تلاش کرے                          خُدا گواہ یہی حال آپ کا ہو گا^([1])

اللہ پاک کروڑوں رحمتیں نازِل فرمائے ہمارے آقا ومولیٰ مُحَمَّد مصطفےٰ صَلَّی اللہ عَلَیْہِ وَ آلِہٖ وَ سَلَّم پر، جب آدم عَلَیْہ ِالسَّلام آپ صَلَّی اللہ عَلَیْہِ وَ آلِہٖ وَ سَلَّم کے ایک اُمَّتی کو جہنّم میں جاتا دیکھ کر پُکاریں گے تو حُضُور جانِ رحمت، شمعِ بزم ہدایت صَلَّی اللہ عَلَیْہِ وَ آلِہٖ وَ سَلَّم جواباً ارشاد فرمائیں گے:لَبَّیْکَ یَا اَبَا الْبَشَر!اے تمام انسانوں کے والِد! لبیک...! حضرت آدم عَلَیْہ ِ السَّلام فرمائیں گے: یہ آپ کا اُمَّتی ہے، فرشتے اسے جہنّم کی طرف لئے جا رہے ہیں۔

بازارِ قیامت میں جنہیں کوئی نہ پوچھے                                ایسوں کا خریدار ہمیں تُو نظر آیا

ہمارے آقا ومولیٰ، مکی مَدَنی مصطفےٰ صَلَّی اللہ عَلَیْہِ وَ آلِہٖ وَ سَلَّم حضرت آدم عَلَیْہ ِالسَّلام کی یہ صَدَا سُن کر جلدی سے فرشتوں کے پاس تشریف لائیں گے اور فرمائیں گے: اے میرے رَبّ کے فرشتو! ٹھہر جاؤ...!! فرشتے عرض کریں گے: یا رسولَ اللہ صَلَّی اللہ عَلَیْہِ وَ آلِہٖ وَ سَلَّم! ہم فرشتے ہیں اور فرشتے اللہ پاک کی نافرمانی نہیں کرتے، جو حکم ہو، وہ انجام دیتے ہیں، یہ سُن کر غم خوارِ اُمّت،نبیِ رحمت صَلَّی اللہ عَلَیْہِ وَ آلِہٖ وَ سَلَّم اپنی داڑھی مُبارَک پکڑ لیں گے اور