Book Name:Piyare Aaqa Ka Wisal e Zahiri
صحابئ رسول حضرت ابوسعید خُدْری رَضِیَ اللہُ عنہ فرماتے ہیں: ہم مسجد میں تھے، حُضُورِ انور، سلطانِ خشک و تَر صَلَّی اللہُ عَلَیْہِ وَ آلِہٖ وَ سَلَّم تشریف لائے، آپ صَلَّی اللہُ عَلَیْہِ وَ آلِہٖ وَ سَلَّم نے دَرْد کی وجہ سے سَر مبارک پر پٹی باندھی ہوئی تھی، ہم آپ صَلَّی اللہُ عَلَیْہِ وَ آلِہٖ وَ سَلَّم کے گِرْد جمع ہو گئے، پِھر آپ صَلَّی اللہُ عَلَیْہِ وَ آلِہٖ وَ سَلَّم نے خطبہ ارشاد فرمایا۔([1])
پیارے اسلامی بھائیو! اندازہ کیجئے! وہ صحابۂ کرام علیہمُ الرّضوان جو پیارے آقا، مکی مدنی مصطفےٰ صَلَّی اللہُ عَلَیْہِ وَ آلِہٖ وَ سَلَّم سے انتہائی محبّت کرتے تھے، آپ صَلَّی اللہُ عَلَیْہِ وَ آلِہٖ وَ سَلَّم کو ایک کانٹا بھی نہ لگے، اس کے لئے بھی اپنی جانیں قربان کرنے کو تیار رہتے تھے، جب انہوں نے آپ صَلَّی اللہُ عَلَیْہِ وَ آلِہٖ وَ سَلَّم کے سَر مبارک پر پٹی بندھی ہوئی دیکھی ہو گی تو ان کے دِلوں پر کیا گزری ہو گی....!!
صَلُّوْا عَلَی الْحَبِیْبِ! صَلَّی اللہُ عَلٰی مُحَمَّد
اے عاشقان رسول! پیارے اور آخری نبی، رسولِ ہاشمی صَلَّی اللہُ عَلَیْہِ وَ آلِہٖ وَ سَلَّم نے (مرضِ وِصَال شریف میں) جو خطبہ ارشاد فرمایا،اس میں آپ نے فرمایا: ایک بندے کو اللہ پاک نے اختیار دیا اسے دُنیا کی تازگی اتنی عطا کرے جتنی وہ چاہے اور وہ نعمتیں جو اللہ پاک کے پاس ہیں۔ اس بندے نے وہ اختیار کیا جو اللہ پاک کے پاس ہے۔ یہ سُن کر حضرت ابوبکر صِدِّیق رَضِیَ اللہُ عنہ رونے لگے اور عرض کیا: یارسولَ اللہ صَلَّی اللہُ عَلَیْہِ وَ آلِہٖ وَ سَلَّم! آپ پر ہمارے ماں
[1]...مُصَنَّفْ اِبْنِ اَبِیْ شَیْبَہ،کتاب المغازی،ما جاء فی وفاۃ النبی،جلد:8،صفحہ:568،حدیث:17 ملتقطًا۔