طالبِ علمِ دين جي مالي خدمت ڪرڻ جي فضيلت

 سُبْحٰنَ اللہ! پيارا اسلامي ڀائرو! ڪيترو نرالو شان آهي. صدقو ڪرڻ جا کوڙ فضائل آهن، الله پاڪ جي راھ ۾ خرچ ڪرڻ جا گهڻا فضائل آهن پر خاص طور * جيڪي ماڻهو دين جي خدمت ۾ مصروف هجن * جيڪي علمِ دين سکڻ ۾ مصروف هجن * سيکارڻ ۾ مصروف هجن * جن پنهنجون زندگيون دين جي خدمت جي لاءِ وقف ڪري ڇڏيون آهن، * انهن تي صدقو ڪرڻ، انهن جي مالي خدمت ڪرڻ، ان جو شان ئي نرالو آهي. سيپارو: 3، سورت بقره ۾ صدقو ۽ خيرات جا احڪام، ان جا فضائل، ان جي متعلق تعليمات کي تفصيل سان ذڪر ڪيو ويو آهي، پوءِ هي صدقو ۽ خيرات ڏيڻو ڪنهن کي آهي؟ مالي خدمت ڪنهن جي ڪرڻي  آهي؟ ان جا ٻيا به کوڙ مَصۡرف (خرچ ڪرڻ جون جايون) آهن پر ٽئين سيپاري ۾ ان جو هڪ خاص مَصۡرف (جتي خرچ ڪرڻ گهرجي ان کي) الله پاڪ ذڪر ڪيو، ارشاد ٿئي ٿو:

لِلْفُقَرَآءِ  الَّذِیْنَ اُحْصِرُوْا فِیْ سَبِیْلِ اللّٰہِ لا يَسْتَطِیْعُوْنَ ضَرْبًا فِی الْاَرْضِ ۫

ترجمو ڪنزُالعرفان: انهن فقيرن جي لاءِ جن کي الله جي رستي ۾ روڪيو ويو، اُهي زمين ۾ هلي ڦري نٿا سگهن.

تفسيرِ صراطُ الجنان ۾ آهي: هيءَ آيتِ ڪريمه اهلِ صفه جي حق ۾ نازل ٿي، انهن حضرات جي تعداد تقريباً 400 جي قريب هئي * اهي هجرت ڪري مديني پاڪ اچي ويا هئا * اتي نه انهن جو گهر هو * نه ڪو قبيلو هو * اهي سڄو وقت الله پاڪ جي عبادت ۾ گذاريندا هئا * انهن جا صرف ٻه ئي ڪم هئا (1): رات جو علمِ دين سکندا هئا (2): ڏينهن جو دين جي خدمت ڪندا هئا، ته الله پاڪ فرمايو: صدقو ۽ خيرات ۽ مالي خدمت جو بهترين مَصۡرف هي اهلِ صُفه آهن، جن