یٰۤاَیُّہَا  الَّذِیْنَ  اٰمَنُوْا ہَلْ اَدُلُّکُمْ عَلٰی تِجَارَۃٍ  تُنْجِیْکُمْ مِّنْ عَذَابٍ اَلِیْمٍ (۱۰) (سيپارو: 28، سورة صف: 10)

ترجمهٴ کنزُ العِرفان: اے ايمان والؤ! آيا زۀ تاسو ته د داسې تجارت رهنمائي وکړم چې هغه تاسو د دردناک عذاب نه بچ کړي۔

دلته وګورئ! الله پاک تجارت وه وئيلو۔ تجارت څۀ وي؟ اخستو او خرڅولو ته تجارت وئيلے شي۔ د څۀ ورکولو او پۀ بدله کښې څۀ اخستو ته تجارت وئيلے شي۔ دا هم څومره کرم دے چې الله پاک زمونږ سره معاملې ته تجارت وفرمائيلو۔ زمونږ سره خپل څۀ دي۔۔۔؟ * مونږه الله پاک پيدا کړو * لاسونه راله الله پاک راکړل * مال راله الله پاک راکړو * توفيق راته الله پاک راعطا کړو * هر څۀ خو د الله پاک دي * هُم هغۀ راکړي دي، بيا تجارت څنګه۔۔۔؟ خو کرم يـې وفرمائيلو، ارشاد وشو: اے ايمان والؤ! تاسو ته داسې تجارت وښايم، کوم چې به تاسو د درديدونکي عذاب نه بچ کړي۔

 اوس واورئ! هٰغه نا اشنا تجارت کوم يو دے؟ پۀ هٰغه تجارت کښې مونږ ته څۀ کول دي؟ اوئې فرمائيل:

تُؤْمِنُوْنَ بِاللّٰہِ وَ رَسُوْلِہٖ وَ تُجَاہِدُوْنَ فِیْ سَبِیْلِ اللّٰہِ  بِاَمْوَالِکُمْ وَ اَنْفُسِکُمْ ؕ      (سيپارو: 28، صف: 11)

ترجمهٴ کنزُ العِرفان: تاسو پۀ الله او د هغۀ پۀ رسول ايمان وساتئ او د الله پۀ لاره کښې د خپلو مالونو او خپلو ځانونو پۀ ذريعه جهاد وکړئ۔

يعنې پۀ دې نا اشنا تجارت کښې مونږ ته دوه کارونه کول دي: (1): پۀ الله او پۀ رسول باندې ايمان راوړل دي۔ دا نعمت خو اَلْحَمْدُ لِلّٰہ! مونږ ته حاصل دے۔ د الله پاک پۀ فضل