قبروں کے کتبے

حضرت اَصْمَعِی رَحمۃُ اللہِ عَلَیْہ نیک بزرگ ہیں، آپ عبرت و نصیحت کیلئے قبرستان جاتے اور وہاں قبروں کی تختیاں پڑھا کرتے تھے، فرماتے ہیں: میں نے ایک قبر پر تختی دیکھی، اس پر لکھا تھا:

اَلَا قَلَّ لِمَاشٍ عَلٰی قبْرنَا                                                                                                             غُفُولٌ لِاَشْیَاءَ حُلَّتْ بِنَا

سَیَنْدَمُ یَوْمًا لِتَفْرِیْطِہٖ                                                                                                                کَمَا قَدْ نَدِمْنَا لِتَفْرِیْطِنَا

ترجمہ: *خبردار! ہماری قبْر کے پاس سے گزرنے والے کے لئے کم مدت ہے، وہ ان چیزوں سے بہت زیادہ غافل ہے جو ہمیں پہنائی گئی ہیں*عنقریب ایک دن وہ اپنی غفلت کی وجہ سے شرمسار ہوگا جیسا کہ ہم اپنی غفلت کی وجہ سے شرمندہ ہوئے۔

ایک اور تختی دیکھی، اس پر لکھا تھا:

یَا اَیُّہَا النَّاسُ کَانَ لِیْ اَمَلٌ                                                                                                    قَصَرَ بِیْ عَنْ بُلُوْغِہِ الْاَجَلُ

فَلْیَقِ اللہَ رَبَّہٗ رَجُلٌ                                                                                                                          اَمْکَنَہٗ فِیْ حِیَاتِہٖ الْعَمَلُ

مَا اَنَا وَحْدِیْ جُعِلْتُ حَیْثُ تَرَی                                                                       کُلٌّ اِلٰی مَا نُقِلْتُ یَنْتَقِلُ

ترجمہ: *اے لوگو!میر ی بہت سی اُمّیدیں تھیں مگر موت نے مجھے ان تک پہنچنے کی مہلت نہ دی ،*پس جو شخص اللہ پاک سے ڈرتا ہے اللہ پاک اُسے دنیاوی زندگی میں نیک اعمال کی توفیق عطا فرماتا ہے * صرف مجھے ہی یہاں نہیں رکھا گیابلکہ تُو دیکھے گا کہ جدھر مجھے بھیجا گیا ہر ایک ادھر ہی منتقل ہو گا۔

ایک قبر پر لکھا تھا:

قِفْ وَاعْتَبِرْ فَقَرِیْبًا                                                                                                                                   تَحِلُّ ہٰذَا المَحَلَّا