قرآن اور میرے ذِکْر میں مَصْرُوف ہونے کے سبب مجھ سے مانگ نہ سکے، میں اُسے مانگنے والوں سے زیادہ اَفْضَل عطا فرماتا ہوں،مزید فرمایا:جس طرح اللہ پاک اپنی تمام مخلوق سے اَفْضَل ہے، ایسے ہی اللہ پاک کا کلام بھی باقی تمام کلاموں سے اَفْضَل و اعلیٰ ہے۔^([1]) (2):ہمارے پیارے نبی، رسولِ ہاشمی صَلَّی اللہُ عَلَیْہِ وَ آلِہٖ وَسَلَّم نے فرمایا: اَفْضَلُ عِبَادَۃِ اُمَّتِیْ قِرَاءَۃُ الْقُرْآنِ تلاوتِ قرآن میری اُمَّت کی اَفْضَل ترین عبادت ہے۔^([2])(3):حضرت ابو اُمامہ باہلی رَضِیَ اللہُ عنہفرماتے ہیں :قرآن پڑھا کرو! بے شک جو دِل قرآنِ کریم کا حافِظ ہو، اللہ پاک اُس دِل کو عذاب نہیں دیتا۔^([3])

عبادت میں، ریاضت میں، تلاوت میں لگا دے دِل

رَجَب    کا   واسطہ   دیتا   ہوں   فرما   دے   کرم   مولیٰ^([4])

صَلُّوْا عَلَی الْحَبِیْب!                                               صَلَّی اللہُ عَلٰی مُحَمَّد

خواجہ حُضُور اور نمازِ باجماعت کا جذبہ

خواجہ بختیار کَاکِی رَحمۃُ اللہِ عَلَیْہ اپنے پیرِ کامل یعنی خواجہ غریب نواز رَحمۃُ اللہِ عَلَیْہ کے شوق عِبَادت کا تذکرہ کرتے ہوئے مزید فرماتے ہیں: خواجہ غریب نواز رَحمۃُ اللہِ عَلَیْہ ہند میں تشریف لائے تو اگرچہ اس وقت یہ علاقہ کفرستان تھا (یعنی کفر و شِرْک سے بھرا ہوا تھا،یہاں کا حاکِم بھی غیر مسلم تھا) اِس کے باوُجُود خواجہ حضور رَحمۃُ اللہِ عَلَیْہ کے خُدّام 5 وقت اذان دیتے اور نمازِ باجماعت پُورے اِہتمام کے ساتھ ادا کی جاتی تھی۔^([5])