اے شہِ صالحاں               غریب نواز، غریب نواز                                                                            ہم پہ ہو مہرباں                                         غریب نواز، غریب نواز

خدمت خلق کی فضیلت

اے عاشقان اولیا! دیکھا آپ نے! خواجہ غریب نواز رَحمۃُ اللہِ عَلَیْہ کیسے غریب نواز تھے؟ اللہ پاک ہمیں بھی غریبوں کی مدد کرنے، ان کے دُکھ بانٹنے کی توفیق عطا فرمائے۔ (1):ہمارے پیارے آقا، مکی مدنی مصطفےٰ صَلّی اللہُ عَلَیْہ وآلِہ وسَلَّم نے فرمایا: اَلْخَلْقُ کُلُّہُمْ عِیَالُ اللہِ سَاری مخلوق اللہ پاک کی محتاج ہے (کہ حقیقت میں وُہی سب کو پالتا ہے) فَاَحَبُّہُم اِلَی اللہِ اَنْفَعُہُم لِعِیَالِہٖ تَو اللہ پاک کا زیادہ پسندیدہ وہ ہے جو اللہ پاک کی مخلوق کو زیادہ نفع پہنچاتا ہے۔^([1]) (2):ایک حدیثِ پاک میں فرمایا: جو کسی غمگین کی مدد کرے، اللہ پاک اس کے لئے 73 مغفرتیں لکھتا ہے، ان میں سے ایک مغفرت سے اس کے تمام کام دُرست ہو جاتے ہیں اور بقیہ 72 مغفرتیں جنت میں اس کے درجات ہیں۔^([2]) (3):حضرت اَنَس بن مالِک رَضِیَ اللہُ عَنْہ فرماتے ہیں: غریب پَروَر نبی، رسولِ ہاشِمی صَلّی اللہُ عَلَیْہ وآلِہ وسَلَّم نے مسلمانوں کی پیاری امی جان حضرت عائشہ صدیقہ رَضِیَ اللہُ عنہا کو مخاطَب کر کے فرمایا: یَا عَائِشَۃُ اَحِبِّی الْمَسَاکِیْنَ وَ قَرِّبِیہِمْ اے عائشہ! مسکینوں سے محبت کرو! انہیں اپنے قریب رکھو! فَاِنَّ اللہَ یُقَرِّبُکِ یَوْمَ الْقِیَامۃِ اللہ پاک روزِ قیامت تمہیں اپنے قرب سے نوازے گا۔^([3])

FGRF کا تعارف اور خِدمات

پیارے اسلامی بھائیو!ہمیں بھی چاہیے کہ غریبوں، بیکسوں، غم کے ماروں، دُکھیاروں