(یعنی مِلا ہوا) ہو۔^([1])

صَلُّوْا عَلَی الْحَبِیْب!                                               صَلَّی اللہُ عَلٰی مُحَمَّد

سُورۂ اِخْلاص کی برکات

پیارے اسلامی بھائیو! ہم نے سُنا؛ خواجہ حُضُور کے پِیر صاحِب خواجہ عثمان ہَارْوَنی رَحمۃُ اللہِ عَلَیْہ نے خواجہ حُضُور کو 1ہزار بار سُورۂ اِخْلاص پڑھنے کا حکم دیا، جب خواجہ حُضُور نے اِس کی تِلاوت کی تو آپ کے لئے قُرب کے دروازے کُھل گئے اور پہلے سے زیادہ اُونچے مقام تک پہنچ گئے۔

سُبْحٰنَ اللہ! سُورۂ اِخْلاص کی بھی کیا ہی شان ہے...!! الحمد للہ! پُورا قرآن ہی بَرَکت والا ہے، اِس کا ہر ہر لفظ، ہر ہر حرف بَرَکت ہی بَرَکت ہے، رحمت ہی رحمت ہے، نعمت ہی نعمت ہے، سُورۂ اِخْلاص کی بھی نِرالی شانیں ہیں۔ حضرت ابو سعید خدری رَضِیَ اللہُ عنہ سے روایت ہے،نبی اکرم صَلَّی اللہُ عَلَیْہِ وَ آلِہٖ وَسَلَّم نے ارشاد فرمایا:کیا تم میں سے کوئی اِس سے عاجِز ہے کہ وہ رات میں قرآن مجید کا تہائی حصہ (یعنی 1/3) پڑھ لے؟صحابۂ کرام رَضِیَ اللہُ عنہم کو یہ بات مشکل معلوم ہوئی اور اُنہوں نے عرض کی: یا رسولَ اللہ! صَلَّی اللہُ عَلَیْہِ وَ آلِہٖ وَسَلَّم! ہم میں سے کون اس کی طاقت رکھتا ہے؟ آپ صَلَّی اللہُ عَلَیْہِ وَ آلِہٖ وَسَلَّم نے ارشاد فرمایا: سورۂ اِخْلَاص تہائی قرآن کے برابر ہے۔^([2])

سُبْحٰنَ اللہ! کتنی پیاری فضیلت ہے، 3بار سُورۂ اِخْلاص پڑھیں، اِنْ شَآءَ اللہُ الْکَرِیْم! ایک قرآنِ کریم کا ثواب نصیب ہو گا، علّامہ قرطبی رَحمۃُ اللہِ عَلَیْہ کی روایت کے مطابق