مسئلي جي بنا تي لڙائي آهي، پاڻ ۾ دوريون آهن ته انهن کي مٽائي ڇڏيو. تاجدار دوعالم، نُور مجسم صَلَّى اللّٰهُ عَلَيۡهِ واٰلِهٖ وَسَلَّم فرمايو: جيڪو باطل تي هجي ۽ جهڳڙو ڇڏي ڏي، الله پاڪ ان جي لاءِ جنّت جي ڪنڊ ۾ گهر بڻائيندو ۽ جيڪو حق تي هوندي به جهڳڙو ڇڏي ڏئي، الله پاڪ جي لاءِ جنّت جي مٿان واري درجي ۾ گهر بڻائيندو. ^[1]

اُمَّتِ محبوب کا یارَبّ بنا دے خیر خواہ                                               نفس کی خاطِر کسی سے دِل میں میرے ہو نہ  بَیْر

شب براءت جا ڪجهه نوافل

          پيارا اسلامي ڀائرو! اچو! آخر ۾ شب براءت ۾ پڙهيا ويندڙ ڪجهه نفلن جي متعلق ٻڌون ٿا.

مغرب کان پوءِ 6 نوافل

اولياءِ ڪرام رَحۡمَةُ اللهِ عَلَيۡهم جي معمولات مان آهي ته مغرب جي فرض ۽ سنت وغيره کان پوءِ 6 رڪعتون نفل 2، 2 ٻه رڪعتون ڪري ادا ڪيون وڃن. * پهرين 2 رڪعتن کان پهريان هي نيت ڪيو: ياالله پاڪ! انهن 2 رڪعتن جي برڪت سان مون کي درازي عمر بالخير عطا فرماءِ * ٻي 2 رڪعتن کان پهريان هي نيت فرمايو: يا الله پاڪ! انهن 2 رڪعتن جي برڪت سان بلائن کان منهنجي حفاظت فرماءِ * ٽين 2 رڪعتن لاءِ هي نيت ڪيو: يا الله پاڪ! انهن 2 رڪعتن جي برڪت سان مون کي پنهنجي سواءِ ڪنهن جو محتاج نه ڪر.

انهن 6 رڪعتن ۾ سورة الفاتحه کان پوءِ جيڪي چاهيو اهي سورتون پڙهي سگهو ٿا، چاهيو ته هر رڪعت ۾ سورة الفاتحه کان پوءِ 3 دفعا سورة الاخلاص پڙهي