Book Name:Ghar Ka Islami Mahol
گھر کا ماحول بہترین ہو جائے گا۔
پابندی سے ہر ماہ کم از کم 3دن کے قافلے میں عاشِقانِ رسول کے ساتھ سنّتوں بھرا سفر کر کے گھر والوں کے لئے بھی دُعا کیجئے ۔ قافِلے میں سفر کی بَرَکت سے بھی گھروں میں دینی ماحول بننے کی مَدَنی بہاریں سننے کو ملتی ہیں۔
گھر کا ماحول بہتر کرنے، اسلامی ماحول بنانے کا ایک بہترین ذریعہ یہ ہے کہ گھر میں فیضانِ سُنّت کا دَرْس دینے کی عادَت بنا لیجئے!
پیارے اسلامی بھائیو!آکَولہ(مہاراشٹر،ھند) کے ایک اسلامی بھائی نے کچھ اس طرح کا بیان دیا کہ برے لوگوں کیساتھ تعلقات کے سبب ہمارا گھرانا بد عملی کے ساتھ ساتھ بد عقیدگی میں مبتلا ہو گیا تھا، اسی دوران میرا 17سالہ چھوٹا بھائی جو کہ دعوتِ اسلامی کے دینی ماحول سے وابستہ ہو چکا تھا ، وہ گھر میں سب کو اِکٹھّا کرکے فیضانِ سنّت کا درس دیا کرتا تھا۔ میں اِس میں نہیں بیٹھتا تھا ، ایک دن میں قریب ہوکر بیٹھ گیا کہ سُنوں توسَہی یہ دَرس میں کیا بتاتا ہے، سناتو بہت اچّھا لگا ، لہٰذا میں روزانہ گھر دَرس میں شریک ہونے لگا۔رفتہ رفتہ میرے دل کی سیاہی دُور ہونے لگی ، الحمد للہ! گھر میں ہونے والے اس دَرْس کی برکت سے ہمارے گھر میں دِینی ماحول بنا اور اللہ پاک کے فضل سے بدعقیدگی سے بھی نجات مِل گئی۔([1])
بُری صحبتوں سے کَنارہ کشی کر اور اچھوں کے پاس آ کے پا دینی ماحول