Book Name:Ghar Ka Islami Mahol
اَوَّابِین کے نوافِل کا ماحول بن جائے۔ اس کی برکت سے اِنْ شَآءَ اللہُ الْکَرِیْم! گھر میں برکتیں ہی برکتیں آئیں گی، اللہ پاک نے چاہا تو پریشانیاں دُور ہوں گی، بچوں کی تربیت اچھی ہو جائے گی اور اِنْ شَآءَ اللہُ الْکَرِیْم! ہماری نسلیں سَنْوَرْ جائیں گی۔
میں پانچوں نَمازیں پڑھوں باجماعت ہو توفیق ایسی عطا یاالٰہی
میں پڑھتا رہوں سنتیں، وقْت ہی پر ہوں سارے نوافِل ادا یاالٰہی
دے شوقِ تلاوت دے ذَوقِ عِبَادَت رہوں بَاوُضو میں سدا یاالٰہی
(3)گھروں میں تلاوت کیجئے!
حدیثِ پاک میں ہے:
لَا تَجْعَلُوْا بُيُوْتَكُمْ مَقَابِرَ اِنَّ الشَّيْطَانَ يَنْفِرُ مِنَ الْبَيْتِ الَّذِيْ تُقْرَاُ فِيْهِ سُوْرَةُ الْبَقَرَةِ
ترجمہ: گھروں کو قبرستان نہ بناؤ! بیشک شیطان اُس گھر سے دُور بھاگتا ہے، جس میں سُورۂ بقرہ کی تِلاوت کی جاتی ہے۔ ([1])
سُبْحٰنَ اللہ! کتنی پیاری فضیلت ہے...!!*گھروں میں لڑائیاں کون کرواتا ہے؟ شیطان *بھائی کو بھائی سے کون دُورکرتا ہے؟ شیطان *غیبتیں، چغلیاں، بدگمانیاں، بے عزّتیاں کون کرواتا ہے؟ شیطان *غصّے کا غلط نِفاذ کرنے پر کون اُبھارتا ہے؟ شیطان *گُنَاہ کون کرواتا ہے؟ *دِلوں میں وسوسے کون ڈالتا ہے؟ *گھر کا سکون کون برباد کرتا ہے؟ شیطان۔ جب شیطان ہی ہمارے گھر سے دُور بھاگ جائے گا، پِھر گھر اَمن کا گہوارہ کیوں نہیں بنے گا...!! ضرور بنے گا۔ اِس کے لئے کرنا کیا ہے؟ گھر میں سورۂ بقرہ کی تِلاوت کرنی ہے۔