یعنی قرآنِ کریم  اگر پہاڑوں پر بھی اُتارا جاتا تو پہاڑ خوف اور رُعب کے وجہ سے ریزہ ریزہ ہو جاتے۔ اس سے اندازہ لگائیے کہ مَحْبُوب  مصطفےٰ  صَلَّی اللہُ عَلَیْہِ وَ آلِہٖ وَ سَلَّم   کا مبارَک دِل جس پر یہ پاک کلام نازِل ہوا، اس وقت دِل مبارَک پر فیضِ رَبَّانی کا کیسا اَثَر ہوا ہو گا مگر قربان جائیے! یہ میرے مَحْبُوب   صَلَّی اللہُ عَلَیْہِ وَ آلِہٖ وَ سَلَّم   کا پاکیزہ دِل ہے  کہ پہاڑ  ہوتے تو ریزہ ریزہ ہو جاتے مگر دِلِ مصطفےٰ اس تجلّی اور فیض کو قبول کر کے جیسے تھا، ویسے ٹھہرا رہا۔  اعلیٰ حضرت   رحمۃُ اللہِ علیہ   لکھتے ہیں:

دِل سمجھ سے وراء مگر یُوں کہوں                                                      غنچۂ رازِ وحدَت پہ لاکھوں سلام^([1])

وضاحت: اعلیٰ حضرت   رحمۃُ اللہِ علیہ   محبوبِ ذیشان  صَلَّی اللہُ عَلَیْہِ وَ آلِہٖ وَ سَلَّم   کے ہر ہر عُضو، ہر ہر ادا پر سلاموں کے نذرانے پیش کئے، جب دِلِ پاک کے لئے عرض کرنے لگے تو کہا: دِلِ مصطفےٰ وہ عظیم دِل ہے کہ مخلوق کی سمجھ میں تو کسی طرح آ ہی نہیں سکتا ہے، ہاں! یہ کہہ سکتا ہوں کہ یہ پاک دِل رازِ وَحْدَت کا غنچہ اور باغ ہے، اس پر بھی لاکھوں سلام ہوں۔

پیارے اسلامی بھائیو! جب پہلی وحی نازِل ہوئی تو پیارے مَحْبُوب  صَلَّی اللہُ عَلَیْہِ وَ آلِہٖ وَ سَلَّم  کا دِلِ پاک ویسے تو ٹھہرا رہا، البتہ! اس فیضِ رَبَّانی کا ایک رُعْب طاری ہوا، چنانچہ آپ  صَلَّی اللہُ عَلَیْہِ وَ آلِہٖ وَ سَلَّم    گھر تشریف لائے، پیاری زوجہ محترمہ سَیِّدہ خدیجۃ ُالکبریٰ    رَضِیَ اللہُ عنہا      سے فرمایا: مجھے چادر اَوڑھا دو۔ سیدہ خدیجہ    رَضِیَ اللہُ عنہا     نے چادر اَوڑھا دی۔ کچھ دَیْر کے بعد جب دِلِ پاک سے رُعب کی کیفیت ختم ہوئی تو آپ نے سارا واقعہ حضرت خدیجہ    رَضِیَ اللہُ عنہا     کو بتایا اور فرمایا: مجھے اپنی جان کا ڈَر ہے۔

اس موقع پر  حضرت خدیجہ    رَضِیَ اللہُ عنہا     نے جو خُوبصُورت کردار ادا کیا، یقین مانیے!