قَالَ  اللہ  تَبَارَکَ وَ تَعَالٰی فِی الْقُرْآنِ الْکَرِیْم( اللہ  پاک قرآنِ کریم میں فرماتا ہے):

وَ اَلَّفَ بَیْنَ قُلُوْبِهِمْؕ-لَوْ اَنْفَقْتَ مَا فِی الْاَرْضِ جَمِیْعًا مَّاۤ اَلَّفْتَ بَیْنَ قُلُوْبِهِمْ وَ لٰكِنَّ اللّٰهَ اَلَّفَ بَیْنَهُمْؕ-اِنَّهٗ عَزِیْزٌ حَكِیْمٌ(۶۳) (پارہ:10، الانفال:63)

صَدَقَ  اللہ  الْعَظِیْم وَ صَدَقَ رَسُوْلُہُ النَّبِیُّ الْکَرِیْم صَلَّی اللہ  تَعَالٰی عَلَیْہِ وَاٰلِہٖ وَسَلَّمَ

تَرْجَمَۂ کَنْزُالْعِرْفَان: اور اس نے مسلمانوں کے دلوں میں اُلفت پیدا کردی۔ اگر تم زمین میں جو کچھ ہے سب خرچ کردیتے تب بھی ان کے دلوں میں اُلفت پیدا نہ کرسکتے تھے لیکن  اللہ  نے ان کے دلوں کو ملادیا، بیشک وہ غالب حکمت والا ہے۔

صَلُّوا عَلَی الْحَبِیْب!                                               صَلَّی  اللہ  تَعَالٰی عَلٰی مُحَمَّد

پیارے اسلامی بھائیو!  اللہ  پاک کا نہایت کرم اور اِحسان دَرْ اِحسان ہے کہ اس نے ہمیں ماہِ رمضان جیسی نعمت عطا فرمائی، پھِر ماہِ رمضان کے فوراً بعد عِیْد کا پُر مُسَرَّت ( یعنی خوشیوں بھرا )   مبارَک دِن عطا فرمایا۔اَلحمدُ لِلّٰہ!جس طرح ماہِ رمضان ماہِ مغفرت و بخشش ہے ، ایسے ہی عیدُ الفطر کا یہ مبارَک دِن بھی رَبِّ رحمٰن کی رَحمتیں لُوٹنے کا دِن ہے۔ حدیثِ پاک میں ہے  : جب عید کی صبح ہوتی ہے تو  اللہ  پاک اپنے معصوم فرشتوں کو تمام شہروں میں بھیجتا ہے ، وہ فرشتے زمین پر تشریف لا کر سب گلیوں اور راہوں پر کھڑے ہو جاتے ہیں اور اِس طرح اِعلان کرتے ہیں : اے اُمَّتِ مُحَمَّد(صَلَّی اللہ  تَعَالٰی عَلَیْہِ وَاٰلِہٖ وَسَلَّمَ )!  اُس رَبّ ِرحیم کی بارگاہ کی طرف چلو ! جو بھلائی کے ذریعے احسان کرنےاور اس پر اجرِ عظیم  عطا فرمانے والاہے۔

پھر  اللہ  پاک اپنے بندوں سے یوں خطاب فرماتا ہے : تمہیں دن میں روزے  رکھنے کا