Book Name:Mohabbatein Aam Karo
خدا! سب نمازیں پڑھوں باجماعت کرم ہو پئے تاجدارِ رسالت
اے عاشقانِ رسول! دیکھا آپ نے! نمازِ باجماعت کے کیسے کیسے فضائِل ہیں۔ یقیناً عید کے دِن بھی جماعت سے نماز پڑھنا واجِب ہے جبکہ کوئی اور شرعی مجبوری نہ ہو۔ لہٰذا آج بھی ساری نمازیں باجماعت مسجد میں ادا کرنے کی پکّی نیت کیجئے اور آیندہ پورا سال بھی نمازِ باجماعت کا پابند رہنے کا عزم کر لیجئے۔ اللہ پاک ہمیں عاشِقِ نماز بنائے۔
ہر عبادت سے برتر عبادت نماز ساری دولت سے بڑھ کر ہے دولت نماز
قلبِ غمگیں کا سامانِ فرحت نماز ہے مریضوں کو پیغامِ صحّت نماز
نارِ دوزخ سے بے شک بچائے گی یہ رب سے دلوائے گی تم کو جنت نماز
پیارے نبی کی آنکھ کی، ٹھنڈک نماز ہے جنت میں لے چلے گی جو، بے شک نماز ہے
صَلُّوا عَلَی الْحَبِیْب! صَلَّی اللہ تَعَالٰی عَلٰی مُحَمَّد
مکاشفۃُ الْقُلوب میں ہے: عید والے دِن 300 بار سُبْحٰنَ اللہ وَ بِحَمْدِہٖ پڑھ کر تمام فوت شُدہ مسلمانوں کو ایصالِ ثواب کر دیا جائے، اس کی برکت سے ہر مسلمان کی قبر میں 1000 اَنْوار داخِل ہوں گے اور جب پڑھنے والا قبر میں جائے گا تو اس کی قبر میں بھی 1000 اَنْوار داخِل ہوں گے۔ اللہ پاک ہمیں عَمَل کی توفیق عطا فرمائے۔ آمِیْن بِجَاہِ خَاتَمِ النَّبِیّٖن صَلَّی اللہ تَعَالٰی عَلَیْہِ وَاٰلِہٖ وَسَلَّمَ ۔
پیارے اسلامی بھائیو! اسی طرح نماز پڑھنے اور زیادہ سے زیادہ صدقہ خیرات کی