کس نے ذَرَّوں کو اُٹھایا اور صحرا کر دیا      کس نے قطروں کو مِلایا اور دریا کر دیا

کس کی حکمت نے یتیموں کو کیا دُرِّ یتیم      اور غلاموں کو زمانے بھر کا مولا کر دیا

آدمیت کا غرض ساماں مہیا کر دیا          اِک عرب نے آدمی کا بول بالا کر دیا

صَلُّوا عَلَی الْحَبِیْب!                                               صَلَّی  اللہ  تَعَالٰی عَلٰی مُحَمَّد

آپسی عداوت بھی عذاب ہے

مُفتی صاحب رحمۃُ  اللہ  علیہ  مزید فرماتے ہیں: اس آیت سے معلوم ہوا کہ مُسلمانوں کا اِتِّفاق  اللہ  پاک کی بڑی نعمت ہے اور ان کی آپس میں لڑائی و نفاق ربّ کا عذاب ہے۔^([1])

 اللہ  اکبر! وہ لوگ جو بات  بات پر ایک دوسرے سے ناراضیاں کر لیتے ہیں، ذرا ذرا سی بات پر تعلّقات توڑدیتے ہیں، مِلنا جُلنا، بول چال ختم کر دیتے ہیں، اُن کے لئے فِکْرکی بات ہے، مسلمانوں کی آپس کی لڑائی، دِلوں کی دُوری، مفتی صاحِب فرما رہے ہیں کہ یہ  رَبّ کا عذاب ہے۔  

مؤمن بندے کی شان

بندۂ مؤمِن کی کیا شان ہوتی ہے؟  پیارے آقا، مکی مدنی مصطفےٰ   صَلَّی اللہ  تَعَالٰی عَلَیْہِ وَاٰلِہٖ وَسَلَّمَ   نے فرمایا: اَلْمُؤْمِنُ ‌يَاْ لَفُ وَ‌لَا ‌خَيْرَ  ‌فِيمَنْ ‌لَا ‌يَاْلَفُ ‌وَلَا ‌يُؤْلَفُ یعنی مؤمِن بندہ محبّت کرنے والا ہوتا ہے، پس جو محبّت نہیں کرتا، نہ اس سے محبّت کی جاتی ہے، اس میں کوئی بھلائی نہیں۔^([2])

بعض لوگ ہوتے ہیں جن کی عید بھی تنہائیوں میں گزرتی ہے، کسی شاعِر نے کہا تھا نا: