خریدے جا رہے ہوں گے*سامانِ سفَر باندھا جا رہا ہو گا *اور بعض خوش نصیب تو سُوئے مکّہ و مدینہ روانہ بھی ہو چکے ہوں گے۔ کاش! یہ سعادتیں ہمیں بھی نصیب ہو جائیں۔  ہم بھی اِحْرام باندھیں، لَبَّیْک اَللّٰہُمَّ لَبَّیْک کی صدائیں بُلند کرتے مکّہ پاک کی طرف روانہ ہوں*طوافِ کعبہ کی سَعَادت پائیں*صفا و مروہ کی سَعی ہو *وُقوفِ عرفات اور وقوفِ مُزْدَلِفہ کے مزے لُوٹیں*رَمِیِ جَمَرات (یعنی شیطانوں کو کنکر مارنے) کے ذریعے دِل کو سکون پہنچائیں۔ کاش! صد کروڑ کاش...!! مدینۂ پاک کی پُرنُور فضاؤں میں پہنچنا، سبز سبز گنبد کے خوبصُورت نظّارے سے آنکھیں ٹھنڈی کرنا نصیب ہو جائے۔

آقا! نہ ٹوٹ جائے یہ دل کا آبگینہ                                        بلوائیے مدینے دکھلائیے مدینہ

دل رو رہے ہیں جن کے آنسو چَھلک رہے ہیں                                              اُن عاشقوں کا صدقہ بلوائیے مدینہ

روضے کو دیکھنے کو آنکھیں تَرس رہی ہے دِکْھلا دو سبز گنبد اے سیّدِ مدینہ!

صَلُّوْا عَلَی الْحَبِیْب!                                               صَلَّی اللہُ عَلٰی مُحَمَّد

سُوال بھی خود بتائے اور جواب بھی دئیے

اِبن حَبّان کی روایت ہے، ایک مرتبہ ایک انصاری صحابی پیارے آقا، مکی مَدَنِی مصطفےٰ  صَلَّی اللہُ عَلَیْہِ وَ آلِہٖ وَسَلَّم  کی خدمت میں کچھ سُوال پوچھنے کے لیے  حاضِر ہوئے، رسولِ اکرم، نورِ مُجَسَّم  صَلَّی اللہُ عَلَیْہِ وَ آلِہٖ وَسَلَّم  نے فرمایا:اگر تم چاہو تو تم مجھ سے سُوال کرو!اور اگر چاہو تو میں ہی تمہیں تمہارے سُوال بھی بتاؤں اور ان کے جواب بھی بتا دوں۔ صحابی  رَضِیَ اللہُ عنہ  نے عَرْض کیا:یا رسولَ اللہ ِ  صَلَّی اللہُ عَلَیْہِ وَ آلِہٖ وَسَلَّم ! آپ ہی ارشاد فرمائیےکہ میں کیا پوچھنے آیا ہوں؟ آقا کریم صَلَّی اللہُ عَلَیْہِ وَ آلِہٖ وَسَلَّم  نے فرمایا :تم پوچھنے آئے ہو کہ *جب حاجی اپنے گھر سے نکلتا ہے تو اُس کے لیے  کیا ثواب ہے؟*جب وہ میدانِ عرفات میں ٹھہرتا ہے تو اُس