Book Name:Din Raat Kesay Guzarain
میں عصر کے لئے کب چلوں گایہ ذِہن بنا لیں ، عصر کی نماز میں جاتے ہوئے کیا پڑھتا ہوا جاؤں گا ، یہ سوچ لیں ، یُوں نماز کے بعد بھی ہم زیادہ نہیں تو کم از کم 5 سے 10 منٹ ایسے کاموں میں مَصْرُوف رہیں گے تو اِنْ شَآءَ اللہ الْکَرِیْم ! نماز والی کیفیت دِل پر طاری رہے گی۔
یہ جدول بطور مثال عرض کیا ہے ، بہر حال ! نماز کے لئے جانے سے لے کر واپس آنے تک کا جو وقت ہے ، یہ وقت تو لگنا ہی لگنا ہے ، نماز فرض ہے ، ہم نے پڑھنی ہی پڑھنی ہے ، لہٰذا یہ وقت ہم یُوں پلاننگ کے ساتھ گزاریں گے تو اِنْ شَآءَ اللہ الْکَرِیْم ! اسی وقت میں بہت ساری نیکیاں کمانے میں کامیاب ( Successful ) ہو جائیں گے۔
میں ساتھ جماعت کے پڑھوں ساری نَمازیں اللہ ! عبادت میں مِرے دل کو لگا دے ( [1] )
( 3 ) : دِن کا پہلا اور آخری وقت نیکیوں میں گزارئیے !
دِن اور رات کا جدول بنانے سے متعلق تیسرا مدنی پھول؛ یہ کہ دِن کا ابتدائی اور آخری وقت نیک کاموں کے لئے وقف کر دیجئے ! کیونکہ یہ دونوں وقت بہت بابرکت اور بہت اہمیت والے ہیں۔ اللہ پاک قرآنِ کریم میں فرماتا ہے :
فَسُبْحٰنَ اللّٰهِ حِیْنَ تُمْسُوْنَ وَ حِیْنَ تُصْبِحُوْنَ ( ۱۷ ) ( پارہ : 21 ، سورۂ روم : 17 )
ترجَمہ کنز الایمان : تو اللہ کی پاکی بولو جب شام کرو اور جب صبح ہو ۔
ایک مقام پر اللہ پاک فرماتا ہے :
وَ سَبِّحْ بِحَمْدِ رَبِّكَ قَبْلَ طُلُوْعِ الشَّمْسِ وَ قَبْلَ غُرُوْبِهَاۚ ( پارہ : 16 ، سورۂ طہٰ : 130 )
ترجَمہ کنز الایمان : اور اپنے رب کو سراہتے ( تعریف کرتے ) ہوئے اس کی پاکی بولو سورج