الله پاک دې مونږ له د فرښتو د دې نصيحت قبلولو او په دې باندې د عمل کولو توفيق راکړي۔

آمِیْن بِجَاہِ خَاتَمِ النَّبِیّٖن   صَلَّى اللّٰهُ عَلَيۡهِ واٰلِهٖ وَسَلَّمَ .

زندگی ہو مِری پروانے کی صورت يا ربّ!                علم  کی  شمع  سے  ہو  مجھ  کو  محبت  يا ربّ!^([1])

صَلُّوۡا عَلَى الۡحَبِيۡب                                                                 صَلَّى اللّٰهُ عَلٰى مُحَمَّد

د فرښتو پيژندګلو

اے عاشقانِ رَسُول! فرښتې هم د الله پاک مخلوق دے * دا د الله پاک فرمانبردارې دي * الله پاک هغوئي د نُور نه جوړې کړې دي * او هغوئي له ئې دا طاقت ورکړے دے چې هغوئي څنګه شکل اوغواړي جوړولے شي * فرښتې قصداً عمداً يا په هيره کله هم د الله پاک نافرماني نه کوي * صِرف هغه کوي د څه چې الله پاک دوئي ته حکم اوکړي * ټولې فرښتې معصومه دي (يعني د دوئي نه ګناه کيدل شرعاً ممکنه نه ده)، دا د هر قِسمه وړو او غټو ګناهونو نه پاکې دي۔ ^([2]) ټولې فرښتې څومره دي؟ د دې شميره الله پاک ته معلومه ده يا د الله پاک په عطا سره خوږ محبوب صَلَّى اللهُ عَلَيْهِ وَاٰلِهٖ وَسَلَّم ته پته ده۔ ^([3]) مونږ ته دا حکم دے چې مونږه په ټولو فرښتو ايمان راوړو، يعني زمونږه عقيده دا پکار ده چې څومره فرښتې دي، مونږه په ټولو باندې ايمان راوړو۔

د فرښتو په باره کښې اسلامي عقيدې

    په بهارِ شريعت کښې دي: * فرښتې نه نارينه دي نه زنانه ^([4]) * د يوې فرښتې لګه شان ګستاخي کول هم کُفر دے * جاهلان خلق چې خپل څوک دښمن يا داسې کَس اوويني کوم ئې چې خوښ نه وي نو وائي: مَلکُ الموت راغلے، دا جمله کُفر ته نزدې ده * د فرښتو د وُجُود نه انکار کول يا دا وئيل چې فرښته د نيکئ طاقت ته وئيلے شي، د دې نه علاوه هيڅ نه ده، دا خبرې کُفر دے۔ ^([5])