چاہئے کہ اپنے اعمال نامے میں اِسْتِغْفَار کا اضافہ کرے۔ ^{( [1] )}

بڑی کوششیں کی گنہ چھوڑنے کی            رہے آہ ! ناکام ہم یاالہٰی !

مجھے سچّی توبہ کی توفیق دیدے       پئے   تاجدارِ   حرم  یاالٰہی ^{( [2] )}

صَلُّوْا عَلَی الْحَبیب !                                                صَلَّی اللّٰہُ عَلٰی مُحَمَّد

اِسْتِغْفَار کرنے کا طریقہ

اے عاشقانِ رسول ! ہمیں بھی استغفار کی عادَت بنا لینی چاہئے۔ اِسْتِغْفَار کا معنی ہے : مَغْفِرَت کی دُعا کرنا۔اَسْتَغْفِرُ اللہ ، اَسْتَغْفِرُ اللہ پڑھتے رہئے ، اَسْتَغْفِرُ اللہَ رَبِّی مِنْ کُلِّ ذَنْبٍ وَّ اَتُوْبُ اِلَیْہِ پڑھیئے ، یہ اِسْتِغْفَار ہے۔اس کے عِلاوہ احادیث میں اِسْتِغْفَار کے اور بھی صیغے بیان ہوئے ہیں۔ویسے تو چلتے پھرتے بھی اَسْتَغْفِرُ اللہ ، اَسْتَغْفِرُ اللہ پڑھتے رہیں ، اِنْ شَآءَ اللہُ الْکَرِیْم ! فائدہ ہو گا ، البتہ ہمیں باقاعِدہ اہتمام کے ساتھ بھی اِسْتِغْفَار کرنا چاہئے ، مثلاً؛ وقت اور تعداد مقرر کر کے ، مثال کے طور پر نمازِ فجر کے بعد 100 مرتبہ ، باوُضُو قبلہ رُو بیٹھ کر ، اپنے گُنَاہوں اور اللہ پاک کی رحمت پر نظریں جمائے ہوئے ، دِل جمعی ( Whole Heartedly )  کے ساتھ اِسْتِغْفَار کریں۔ اِسْتِغْفَار کے لئے کوئی وقت مخصوص نہیں ہے ، البتہ رات کے پچھلے پہر اِسْتِغْفَار کی زیادہ فضیلت ہے کہ اس وقت اِسْتِغْفَار کرنا نیک لوگوں کا طریقہ ہے ، اللہ پاک قرآنِ کریم میں فرماتا ہے :

وَ الْمُسْتَغْفِرِیْنَ بِالْاَسْحَارِ ( ۱۷ )     ( پارہ : 3 ، سورۂ آلِ عمران : 17 )  

ترجَمہ کنز العرفان : اور رات کے آخری حصے میں مغفرت مانگنے والے۔