کی آزمائش آتی ہے تو خود کو سنبھالنا ، ایمان مضبوط رکھنا ، اس امتحان میں استقامت کے ساتھ کامیاب ہونا بہت دُشوار ہوتا ہے ، بہت لوگ ہیں جو  غربت ، محتاجی اور تنگدستی سے تنگ آ کر اللہ پاک پر اعتراضات کرنے لگتے ہیں ، کفریہ جملے بکتے ہیں اور ایسے بھی نادان دُنیا میں ہیں جو پیٹ کی آگ بجھانے یا مال و دولت کی حِرْص کی وجہ سے خُود کو کافِر لکھ دیتے ہیں ، خُود کو کافِر لکھ کر بیرونِ ملک ( Overseas )  کے وِیزے بھی حاصِل کئے جاتے ہیں ۔  ( اَسْتَغْفِرُ اللہ ! اَسْتَغْفِرُاللہ ! )  

اللہ پاک ہمارا ایمان محفوظ فرمائے ، ہمیں سلبِ ایمان کی آفت سے محفوظ رکھے۔ بہر حال ! فی زمانہ جتنا ممکن ہو محتاجی سے بچنے  اور بقدرِ کفایت رِزْقِ حلال کمانے کی کوشش کرنے ہی میں عافیت ( Safety )  ہے۔

شیطان کے خِلاف ڈھال

حضرت سفیان ثوری رَحمۃُ اللہِ عَلَیْہ بڑے ولئ کامل ، عالِمِ باعمل ہیں ، آپ کا آخری وقت آیا تو آپ نے ایک تھیلی نکالی ، اس میں درہم و دینار  ( یعنی چاندی اور سونے کے سِکّے ) تھے ، فرمایا : اسے راہِ خُدا میں صدقہ کر دو ! لوگوں نے عرض کیا : عالی جاہ ! آپ تو مال سے بچنے کا دَرْس دیتے تھے ، آپ نے خود مال جمع کیا اس میں کیا حکمت ( Wisdom )  ہے؟ فرمایا : میں اس کے ذریعے شیطان کی چالوں ( Tricks )  کو ناکام بناتا رہا ہوں ، جب شیطان مجھے وسوسہ ڈالتا کہ کہاں سے کھاؤ گے تو میں کہتا : میرے پاس مال ہے ، اسے خرچ  ( Spend ) کر لوں گا۔ ^{( [1] )}  

سُبْحٰنَ اللہ ! یقیناً یہ اللہ پاک کے نیک بندے ہیں ، ان کے یہ انداز ہمیں سمجھانے