حکیم الاُمّت مفتی احمد یار خان نعیمی رَحمۃُ اللہِ عَلَیْہ نے اس حدیثِ پاک کے تحت بہت پیاری دُعا لکھی ہے ، فرماتے ہیں : اللہ پاک عثمانی مال دے ، ابوجہلی مال سے بچائے۔ ^{( [1] )}  

عثمانی مال : یعنی وہ مال کہ بندے کے پاس عِلْمِ دین بھی ہو ، مال بھی ہو اور وہ حلال ذریعے سے مال کمائے ، حلال جگہ پر خرچ ( Expense )  کرے اور مال کے معاملے میں اللہ پاک سے ڈرتے ہوئے ، اس کی رضا حاصِل کرنے کی خاطِر مال کے حقوق ادا کرتا رہے۔ اور ابو جہلی مال : یعنی وہ مال کہ بندے کے پاس مال تو ہو عِلْمِ دین کی دولت نہ ہو ، بندہ حرام ذریعے  ( Illegal Means )  سے مال کمائے ، حرام ہی میں خرچ کرے ، نہ اللہ پاک سے ڈرے ، نہ مال کے حقوق ( Rights of Wealth )  ادا کرے۔ ہم بھی دُعا کرتے ہیں کہ اللہ پاک ہمیں عثمانی مال عطا فرمائے اور ابوجہلی مال سے ہر دم  محفوظ فرمائے۔آمِیْن بِجَاہِ خَاتَمِ النَّبِیّٖن صَلَّی اللہُ عَلیہ وَآلہٖ و َسَلَّم ۔

جاہ و جلال دو نہ ہی مال و مَنال دو                                                سَوزِ بلال بس مِری جھولی میں ڈال دو

دُنیا کے سَارے غم مرے دل سے نکال دو  غم اپنا یاحبیب ! برائے بِلال دو ^{( [2] )}

صَلُّوْا عَلَی الْحَبیب !                                                صَلَّی اللّٰہُ عَلٰی مُحَمَّد

آئیے ! رِزْق میں اِضَافے کے اسباب سنتے ہیں :

رِزْق میں اِضافے کا سبب : کثرتِ اِسْتِغْفار

اللہ پاک نے اپنے محبوب نبی ، رسولِ ہاشمی صَلَّی اللہُ عَلیہ وَآلہٖ و َسَلَّم کو حکم دیا کہ اےمحبوب