سیکھوں گا * پورا بیان سُنوں گا * ادب سے بیٹھوں گا * نصیحت حاصِل کروں گا * اَحْمَدِ مجتبیٰ ، مُحَمَّدِ مصطفےٰ صلی اللہُ عَلَیْہِ وَ آلِہٖ وَسَلَّم کا نامِ پاک سُن کر درودِ پاک پڑھوں گا۔

صَلُّوْا عَلَی الْحَبیب !                                                صَلَّی اللّٰہُ عَلٰی مُحَمَّد

رِزْق میں اِضافے کے 2 روحانی وظیفے

 ( 1 ) : ایک مرتبہ ایک صحابی رَضِیَ اللہُ عنہ رسولِ اکرم ، نورِ مُجَسَّم  صَلَّی اللہُ عَلیہ وَآلہٖ و َسَلَّم کی خدمتِ باسَعَادت میں حاضِر ہوئے اور عرض کیا : یا رسولَ اللہ صَلَّی اللہُ عَلیہ وَآلہٖ و َسَلَّم ! دُنیا نے مجھ سے پیٹھ پھیر لی۔ پیارے نبی ، رسولِ ہاشمی صَلَّی اللہُ عَلیہ وَآلہٖ و َسَلَّم نے انہیں تنگدستی سے نجات کا روحانی وظیفہ  ( Spiritual Supplication ) بتاتے ہوئے فرمایا : کیا تمہیں فرشتوں کی تسبیح یاد نہیں ؟ جس کی برکت سے روزی دی جاتی ہے ، پھر فرمایا : طلوعِ فجر کے ساتھ 100 بار کہا کرو :

سُبْحٰنَ اللہِ وَبِحَمْدِہٖ سَبْحٰنَ اللہِ الْعَظِیْم ، اَسْتَغْفِرُ اللہ

وہ صحابی رَضِیَ اللہُ عنہ وظیفہ سُن کر چلے گئے ، چند دِن کے بعد دوبارہ حاضِر ہوئے اور عرض کیا : یا رسولَ اللہ صَلَّی اللہُ عَلیہ وَآلہٖ و َسَلَّم ! دُنیا میرے پاس اس کثرت سے آئی ، میں حیران ہوں کہ کہاں اُٹھاؤں اور کہاں رکھوں ۔  ^{( [1] )}  

 ( 2 ) : حضرت سہل بن سعد رَضِیَ اللہُ عنہ فرماتے ہیں : ایک مرتبہ ایک شخص  بارگاہِ رسالت میں حاضِر ہوا اور اپنی تنگدستی و مفلسی کی شکایت کی۔رسولِ اکرم ، نورِ مُجَسَّم  صَلَّی اللہُ عَلیہ وَآلہٖ و َسَلَّم نے فرمایا : جب تم اپنے گھر داخِل ہوا کرو تو گھر والوں کو سلام کرو ! اگر گھر میں کوئی نہ ہو تو مجھ پر سلام عرض کرو اور ایک بار قُل ہُوَ اللہ ُاَحَدْ  ( یعنی مکمل سُورۂ اِخْلاص )  پڑھا کرو۔