تِلاوتِ قرآن افضل ترین عبادت ہے

پیارے اسلامی بھائیو ! غور فرمائیے ! تِلاوتِ قرآن کے کیسے کیسے فضائِل ہیں۔ کاش ! ہمیں بھی تِلاوتِ قرآن کا شوق نصیب ہو جائے۔ ہمارے پیارے نبی ، رسولِ ہاشمی صَلَّی اللہ عَلیہ وَآلہٖ و َسَلَّم نے فرمایا : اَفْضَلُ عِبَادَۃِ اُمَّتِیْ قِرَاءَۃُ الْقُرْآنِ قرآنِ کریم میری اُمَّت کی اَفْضَل ترین عبادت ہے۔ ^{( [1] )}

دے شوقِ تلاوت ، دے ذوقِ عبادت   رہوں  باوُضُو  میں  سدا  یااِلٰہی ! ⁽ [2] ⁾

اللہ پاک کا قُرْب دِلانے والی نیکی

حضرت فَرْوَہ بِن نَوفَل رَحمۃُ اللہ عَلَیْہ فرماتے ہیں : میں حضرت خَبَّاب رَحمۃُ اللہ عَلَیْہ کا پڑوسی تھا ، ایک روز میں آپ کے ساتھ مسجد کی طرف نکلا ، آپ نے میرا ہاتھ پکڑ کر فرمایا : اے شخص ! جتنا ہو سکے اللہ پاک کا قرب حاصِل کرو ! پھر خُود ہی فرمایا : اللہ پاک کا قُرْب حاصِل کرنے کا سب سے پسندیدہ طریقہ اُس کا کلام ( یعنی قرآنِ مجید ) ہے۔ ^{( [3] )}

الٰہی ! خوب ديدے شوق قرآں کی تلاوت کا      شرف دے گنبد ِخضرا کے سائے میں شہادت کا

صَلُّوْا عَلَی الْحَبیب !                                                   صَلَّی اللہ عَلٰی مُحَمَّد

حالّ مُرْتَحِلْ کسے کہتے ہیں؟

حضرت عبد اللہ بن عبّاس رضی اللہ عنہما فرماتے ہیں : ایک مرتبہ ایک شخص پیارے آقا ، مکی مدنی مصطفےٰ صَلَّی اللہ عَلیہ وَآلہٖ و َسَلَّم کی خدمت میں حاضِر ہوا اور عرض کیا : یا رسولَ اللہ  صَلَّی اللہ عَلیہ وَآلہٖ و َسَلَّم !