Book Name:Dil Ka Zang Door Karne Ka Tarika
اَلْحَمْدُ لِلّٰہِ رَبِّ الْعٰلَمِیْنَ وَ الصَّلٰوۃُ وَالسَّلَامُ عَلٰی سَیِّدِ الْمُرْسَلِیْنَ ط
اَمَّا بَعْدُ فَاَعُوْذُ بِاللّٰہِ مِنَ الشَّیْطٰنِ الرَّجِیْمِ ط بِسْمِ اللہ الرَّحْمٰنِ الرَّ حِیْم ط
اَلصَّلٰوۃُ وَ السَّلَامُ عَلَیْكَ یَا رَسُولَ اللہ وَعَلٰی اٰلِكَ وَ اَصْحٰبِكَ یَا حَبِیْبَ اللہ
اَلصَّلٰوۃُ وَ السَّلَامُ عَلَیْكَ یَا نَبِیَّ اللہ وَعَلٰی اٰلِكَ وَ اَصْحٰبِكَ یَا نُوْرَ اللہ
نَوَیْتُ سُنَّتَ الْاِعْتِکَاف ( ترجمہ : میں نے سُنَّت اعتکاف کی نِیَّت کی )
اللہ کے پیارے حبیب ، دلوں کے طبیب صَلَّی اللہ عَلیہ وَآلہٖ و َسَلَّم نے فرمایا : جو بندہ محبت اور شوق کے ساتھ 3مرتبہ دن میں اور 3مَرتبہ رات کو مجھ پر درودِ پاک پڑھے ، اللہ پاک پر حق ہے کہ اس کے اُس دِن اور اُس رات کے گُنَاہ مُعَاف فرما دے۔ ( [1] )
اے عاشقانِ رسول ! اگر ہم تھوڑی سی توجہ کریں توپتہ چلے گاکہ گناہ بخشوانے کا یہ کتنا پیارااور آسان نسخہ ہے ، مثلاً صبح نمازِ فجر باجماعت ادا کریں ، سَر جھکائیں ، آنکھیں بَنْد کریں اور سبز سبز گنبد کا تَصَوُّر باندھ کر 3 مرتبہ درودِ پاک پڑھ لیں ، اسی طرح رات کو سوتے وقت خواہ بستر ہی پر قبلہ رُو بیٹھ کر ، سر جھکائیں ، آنکھیں بند کریں اور پیارے پیارے گنبدِ خضرا کا تَصَوُّر باندھ کر 3مرتبہ دُرودِ پاک پڑھ لیں ، اِنْ شَآءَ اللہ الْکَرِیْم ! اس دِن اور اُس رات کے گُنَاہ مُعَاف ہو جائیں گے ، خیال رہے ! کبیرہ گُنَاہ سچی توبہ سے مُعَاف ہوتے ہیں ، یونہی قضا نمازیں ، قضا روزے ، بندوں کے مالِی ، جسمانی حقوق ذِمّے پر ہوں تو ان کی ادائیگی بھی لازمی ( Compulsory ) ہے۔