بھی مجھے وہ رات یاد آتی ہے تو میری آنکھوں سے بے اختیار آنسو بہنے لگتے ہیں۔ ^{( [1] )}  

خوف دوزخ کا آہ ! رحمت ہو                                                                        خاکِ طیبہ کا واسطہ یاربّ !

میرا نازُک بَدَن جہنّم سے                    از   طُفیلِ  رضا   بچا   یاربّ ! ^{( [2] )}

پیارے اسلامی بھائیو ! دیکھا آپ نے ! حضرت عمر بن عبد العزیز رَحمۃُ اللہ علیہ  کیسے خوفِ خُدا والے تھے۔ آہ ! ایک ہم ہیں ، نیکیاں نام کو بھی پلّے نہیں ہیں اور حال یہ ہے کہ جہنّم سے گویا بالکل ڈر ہی نہیں لگتا ، زِندگی عیش و عشرت میں گزرتی جا رہی ہے ، غفلت طاری ہے ، کھیل کُود ، فضولیات میں مَصْرُوف ہیں ، نہ قبر کی فِکْر ، نہ حشر کی فِکْر ، نہ حسابِ قیامت کا کھٹکا ، نہ پُل صراط کا خیال... ! !  بس غفلت ہی میں صبح ہوتی ہے ، غفلت ہی میں شام ہو جاتی ہے۔ کاش ! حضرت عمر بن عبد العزیز رَحمۃُ اللہ علیہ  کا صدقہ ہمیں بھی خوفِ خُدا نصیب ہو جائے۔

 آمِیْن بِجَاہِ خَاتَمِ النَّبِیّٖن   صَلَّی اللہ عَلیہ وَآلہٖ و َسَلَّم ۔

گناہوں سے مجھ کو بچا یا الٰہی !                بُری عادتیں بھی چُھڑا  یا الٰہی !

تِرے خوف سے تیرے ڈر سے ہمیشہ      میں تھر تھر رہوں کانپتا یا الٰہی !

 خَوفِ خُدا کے فضائل پر 3 احادیث

 ( 1 )  : حضرت عبد اللہ بن عمر  رَضِیَ اللہ عنہما  روایت کرتے ہیں کہ رسولِ اکرم ، نورِ مُجَسَّم صَلَّی اللہ عَلیہ وَآلہٖ و َسَلَّم نے فرمایا : 2 نہایت اہم چیزوں کو نہ بھولنا ، صحابۂ کرام علیہمُ الرّضوان  نے پوچھا : 2 چیزیں کیا ہیں ؟ فرمایا : جنت اور دوزخ ۔یہ فرما  کر آپ صَلَّی اللہ عَلیہ وَآلہٖ و َسَلَّم رونے لگے حتی کہ آنسوؤں سے آپ کی داڑھی مبارک تر ہوگئی ۔ پھر فرمایا : اس ذات کی قسم جس کے قبضے میں میری