جان ہے ! اگر تم وہ جان لو جو میں جانتا ہوں تو جنگلوں میں نکل جاؤ اور اپنے سروں پر خاک ڈالنے لگو۔ ^{( [1] )}   ( 2 )  : آخری نبی ، رسولِ ہاشمی  صَلَّی اللہ عَلیہ وَآلہٖ و َسَلَّم نے فرمایا : جس مومن بندے کی آنکھوں  سے اللہ پاک کے خوف کی وجہ سے آنسو نکلیں  اگرچہ وہ مکھی کے سر کے برابر ہوں ، پھر وہ آنسو بہہ کر اس کے چہرے پر آ جائیں  تو اللہ پاک اسے جہنم پر حرام کر دیتا ہے۔ ^{( [2] )}    ( 3 )  : فرمانِ آخری نبی ، مکی مدنی صَلَّی اللہ عَلیہ وَآلہٖ و َسَلَّم  : جب اللہ پاک کے خوف سے بندے کا بدن لرزنے لگے تو اس کے گناہ ایسے جھڑتے ہیں  جیسے سوکھے ہوئے درخت سے پتے جھڑتے ہیں۔ ^{( [3] )}

مِرے اَشک بہتے رہیں   کاش ہر دم        ترے خوف سے یاخدا یاالٰہی !

ترے خوف سے تیرے ڈر سے ہمیشہ     میں   تھرتھر رہوں   کانپتا  یاالٰہی ! ^{( [4] )}

اَمِیُرالْمُؤمِنِین کی تَبَرُّکات سے محبت

پیارے اسلامی بھائیو ! ا اَمِیرُ الْمُؤمِنِین حضرت عمر بن عبد العزیز رَحمۃُ اللہ علیہ کے دِل میں جیسے خوفِ خُدا بہت زیادہ بھرا ہوا تھا ، ایسے ہی آپ عشقِ رسول کی بھی چلتی پھرتی تَصْوِیر تھے ، آپ  کا ایک بہت ہی پیارا اور عشق بھرا وَصْف یہ بھی ہے کہ آپ رسولِ اکرم ، نورِ مُجَسَّم صَلَّی اللہ عَلیہ وَآلہٖ و َسَلَّم کے تبرکات کا بہت ادب کیا کرتے تھے۔حضرت عمر بن عبد العزیز رَحمۃُ اللہ علیہ  کے پاس بہت سے تبرکات تھے مثلاً  پیارے آقا ، مکی مدنی مصطفےٰ صَلَّی اللہ عَلیہ وَآلہٖ و َسَلَّم  کا بستر مبارک ، پیالہ ، چادر اور عصا شریف وغیرہ ، حضرت عمر بن عبد العزیز رَحمۃُ اللہ علیہ  نے ان تبرکاتِ شریفہ کے لئے ایک کمرہ خاص کر رکھا تھا اور روزانہ ان کی زیارت کیا کرتے تھے۔ ^{( [5] )}