Book Name:Jannat Mein Aaqa Ka Parosi
ڪشادي ڪندس، * ڌڪو وغيره لڳو ته صبر ڪندس، * بيان کان پوءِ پاڻ اڳتي وڌي مسلمانن کي سلام ڪندس، هٿ ملائيندس ۽ انفرادي ڪوشش ڪري نيڪيءَ جي دعوت پيش ڪندس. اِنْ شَآءَ اللہُ الْکَرِیْم!
صَلُّوْا عَلَی الْحَبیب! صَلَّی اللہُ عَلٰی مُحَمَّد
پيارا اسلامي ڀائرو! اڄ آءُ هتي هڪ نهايت منفرد، ۽ ايمان اَفروز موضوع کڻي حاضر ٿيو آهيان، اُميد آهي ته هن موضوع جو نالو ئي ٻڌي عاشقن جون دليون جهومڻ لڳنديون، روح خوش ۽ ايمان تازو ٿي ويندو. موضوع ان عظيم الشان ۽ اعليٰ نعمت جي متعلق آهي جو هڪ سچو عاشق رسول سڄي عمر ان نعمت جي خواهش ڪندو آهي، ان جي لاءِ تڙپندو آهي، ان جي لاءِ دعا ڪندو آهي ۽ الله پاڪ جي رحمت سان آس لڳائي ان نعمت ملڻ جو انتظار ڪندو آهي، موضوع ڪهڙو آهي؟ ٿورو دل تي هٿ رکي ڪري ٻڌو! اسان جو اڄوڪو موضوع آهي: جنت ۾ آقا جو پاڙيسري.
ڇا ته ايمان افروز موضوع آهي....!! ٿورو عاشقن جي امام، اعلي حضرت، امام احمد رضا خان رَحْمَةُ اللهِ عَلَيۡه جي تمنا ٻڌو! لکن ٿا:
جنّت نہ دَیں، نہ دَیں تری رُویَت ہو خیر سے
اس گُل کے آگے کس کو ہَوَس برگ و بر کی ہے
شربت نہ دَیں، نہ دَیں، تُو کرے بات لطف سے
یہ شہد ہو تو پِھر کسے پروا شکر کی ہے([1])