صديقه رَضِىَ اللهُ عَنْها فرمائن ٿيون: الله پاڪ جي آخري نبي، مڪي مدني صَلَّى اللّٰهُ عَلَيۡهِ واٰلِهٖ وَسَلَّمَ کي مون شعبان کان وڌيڪ ڪنهن مهيني ۾ روزا رکندي نه ڏٺو، پاڻصَلَّى اللّٰهُ عَلَيۡهِ واٰلِهٖ وَسَلَّمَ سواءِ ڪجھ ڏينهن جي پوري مهيني جا روزا رکندا هئا.^[1] هڪ ڀيري پاڻ صَلَّى اللّٰهُ عَلَيۡهِ واٰلِهٖ وَسَلَّمَ جي خدمت ۾ سوال ٿيو: رمضان کان بعد ڪهڙا روزا افضل آهن؟ فرمايائون: رمضان جي تعظيم جي لاءِ شعبان جا روزا رکڻ. ^[2]

نفل روزن جا مختصر فضائل

   پيارا اسلامي ڀائرو!  مبارڪ حديثن ۾ نفل روزن جا ڪيئي فضائل بيان ٿيا آهن. ٽي روايتون بيان ڪريان ٿو: (1): جنهن ثواب جي اميد رکندي هڪ نفل روزو رکيو الله پاڪ ان کي دوزخ کان چاليھ سال (جو فاصلو) دور فرمائي ڇڏيندو.^[3] (2): جيڪڏهن ڪنهن هڪ ڏينهن نفل روزو رکيو ۽ زمين جيترو ان کي سون ڏنو وڃي تڏهن به ان جو ثواب پورو نه ٿيندو ان جو ثواب ته قيامت جي ڏينهن ئي ملندو^[4] (3): جڏهن ڪنهن هڪ ڏينهن نفل روزو رکيو الله پاڪ ان کي جهنّم کان ايترو پري ڪري ڇڏيندو جيترو زمين ۽ آسمان جو درمياني فاصلو آهي.^[5]

(4) استغفار جي ڪثرت

   ڇوٿين اهم عبادت جيڪا شعبان ۾ ڪرڻ گهرجي اها توبھ ۽ استغفار آهي، ان جي حڪمت هي آهي ته شعبان جو مهينو جيترو عظمت وارو آهي، تمام گهڻو نازڪ به آهي، حديثِ پاڪ ۾ آهي: هي اهو مهينو آهي جنهن کان ماڻهو غافل آهن حالانڪه هن مهيني ۾ ماڻهن جا اعمال ربُّ العالمين جي بارگاھ ۾