Book Name:Shahadat e Usman e Ghani
اَوْلیا میں جینا، اسی محبّت کے ساتھ قبر میں اُترنا، پِھر اسی محبّت کے ساتھ قیامت کے دِن اُٹھنا نصیب ہو جائے۔
آل و اَصْحابِ نبی سب بادشہ ہیں، بادشاہ میں فقط ادنیٰ گدا اَصْحاب و اَہْلِ بیت کا
فضلِ رَبّ سے دوجہاں میں کامیابی پائے گا دِل سے جو شیدا ہوا اَصْحاب و اَہْلِ بیت کا
جینا مرنا اُن کی اُلفت میں ہو یارَبّ! اور ہو قرب جنّت میں عطا اَصْحاب و اَہْلِ بیت کا
یااِلٰہی! شکریہ عطّاؔر کو تُو نے کیا شعر گو، مدحت سرا اَصْحاب و اَہْلِ بیت کا
صَلُّوْا عَلَی الْحَبِیْب! صَلَّی اللہ عَلٰی مُحَمَّد
پیارے اسلامی بھائیو! 18 ذو الحجہ کو مسلمانوں کے تیسرے خلیفہ، حضرت عثمانِ غنی رَضِیَ اللہ عنہ کا یومِ شہادت ہے، گھر میں، آفس میں، دُکان پر جہاں ہو سکے، آپ کی یاد منائیے! آپ کے ایصالِ ثواب کے لئے فاتحہ شریف دِلوائیے! شِیْرِیْنی وغیرہ تقسیم فرمائیے! زہے نصیب! آپ کے ایصالِ ثواب کے لئے مختصر سِی محفل کروا لیجئے! گھر میں بھی اہتمام فرمائیے! شیخِ طریقت، امیرِ اہلِ سنت دَامَت بَرَکَاتُہُم الْعَالِیَہ کا رسالہ ہے: کراماتِ عثمانِ غنی۔ سب اَہْلِ خانہ کو جمع کر کے یہ رسالہ پڑھ کر سُنائیے! اِنْ شَآءَ اللہ الْکَرِیْم! برکتیں نصیب ہوں گی۔ اللہ پاک اپنے پیاروں کا صدقہ ہمیں نیک بنا دے اور ہم سب نیکیوں کے پابند بنیں اور دوسروں کو نیکیوں کی طرف لانے والے بن جائیں۔ آمِیْن بِجَاہِ خَاتَمِ النَّبِیّٖن صَلَّی اللہ علیہ وَآلہٖ و َسَلَّم ۔
صَلُّوْا عَلَی الْحَبِیْب! صَلَّی اللہ عَلٰی مُحَمَّد