کا دامنِ کرم ہاتھ آئے گا تو عشق و محبّت میں لوٹ پَوٹ ہو (یعنی مچل) جاؤں گا۔

اللہ پاک ہمیں میدانِ محشر میں بلکہ دُنیا میں، نَزْع میں، قبر میں، حشر میں، میزان پر، پُل صراط پر، ہر ہر مَقام پر دامنِ مصطفےٰ صَلَّی اللہُ عَلَیْہِ وَ آلِہٖ وَ سَلَّم    کی ٹھنڈی چھائیں نصیب فرمائے۔ آمِیْن بِجَاہِ خَاتَمِ النَّبِیّٖن صَلَّی اللہُ عَلَیْہِ وَ آلِہٖ وَ سَلَّم۔

نَزْع میں، گور میں، میزاں پہ، سرِ پُل پہ، کہیں     نہ چھٹے ہاتھ سے دامانِ مُعلّٰی تیرا

کس کا مُنہ تکیے! کہاں جائیے! کس سے کہیے!                تیرے   ہی   قدموں   پہ   مِٹ   جائے    یہ   پالا   تیرا ^([1])

صَلُّوْا عَلَی الْحَبیب!                                               صَلَّی اللہُ عَلٰی مُحَمَّد

بیان سننے کی نیتیں

حدیثِ پاک میں ہے:اِنَّمَا الْاَعْمَالُ بِالنِّیَّات اعمال کا دار و مدار نیّتوں پر ہے۔^([2])

اے عاشقان ِ رسول! اچھّی اچھّی نیّتوں سے عمل کا ثواب بڑھ جاتا ہے۔ آئیے! بیان سننے سے پہلے کچھ اچھّی اچھّی نیّتیں کر لیتے ہیں، نیت کیجئے! *رضائے الٰہی کے لئے بیان سُنوں گا *بااَدَب بیٹھوں گا* خوب تَوَجُّہ سے بیان سُنوں گا*جو سُنوں گا، اُسے یاد رکھنے، خُود عمل کرنے اور دوسروں تک پہنچانے کی کوشش کروں گا۔

صَلُّوْا عَلَی الْحَبِیْب!                                               صَلَّی اللہُ عَلٰی مُحَمَّد

کیا ہمیں اس لئے پیدا کیا گیا ہے...؟

پیارے اسلامی بھائیو! حضرت ابراہیم بن اَدھم رَحمۃُ اللہِ عَلَیْہ بہت بلند رُتبہ ولئ کامِل ہوئے ہیں، تَوْبَہ کر کے نیک رستے پر آنے سے پہلے آپ  رَحمۃُ اللہِ عَلَیْہ اَمِیْر زادے تھے، بعد