یٰلَیْتَنِیْ قَدَّمْتُ لِحَیَاتِیْۚ(۲۴) (پارہ:30 ،سورۂ فجر:24)

تَرْجمۂ کَنْزُالعِرْفان :اے کاش کہ میں  نے اپنی زندگی میں  (کوئی نیکی) آگے بھیجی ہوتی

 پیارے اسلامی بھائیو! ذرا سوچئے تو سہی...!!روزِ قِیامت اگر ایسا ہو گیا تو کیا بنے گا۔    ابھی وَقْت ہے، آج آخرت کی فِکْر کر لیں، آج قَبْر جگمگانے کی فِکْر کر لیں، قَبْر میں، حَشَر میں، پُل صراط پر کامیابی پانے کے لئے اللہ پاک کے حُضُور جھک جائیں، رو رو کر توبہ کر لیں، گُنَاہ چھوڑ کر اللہ پاک کی رضا والے کام کرنے میں مَصْرُوف ہو جائیں۔

مٹا دے ساری خطائیں مِری مِٹا یارَبّ!              بنا دے نیک بنا نیک دے بنا یارَبّ!

اندھیری قبر کا دِل سے نہیں نکلتا ڈر                                     کروں گا کیا جو تُو ناراض ہو گیا یارَبّ!

گنہگار ہوں میں لائِقِ جہنّم ہوں                                                                     کرم سے بخش مجھ کو نہ دے سزا یارَبّ!

رِہائی مجھ کو ملے کاش! نفس و شیطاں سے             تِرے حبیب کا دیتا ہوں واسِطہ یارَبّ!

میں کر کے توبہ پلٹ کر گُنَاہ کرتا ہوں                                حقیقی توبہ کا کر دے شَرَف عطا یارَبّ! ^([1])

صَلُّوْا عَلَی الْحَبِیْب!                                               صَلَّی اللہُ عَلٰی مُحَمَّد

خُطْباتِ مصطفےٰ صَلَّی اللہُ عَلَیْہِ وَ آلِہٖ وَ سَلَّم

امام  حَسَن بصری  رَحمۃُ اللہِ عَلَیْہ فرماتے ہیں: میں اس تلاش میں تھا کہ پیارے آقا، مکی مدنی مصطفےٰ صَلَّی اللہُ عَلَیْہِ وَ آلِہٖ وَ سَلَّم  جمعہ کے دِن جو خُطبہ ارشاد فرماتے تھے، وہ کیا تھا۔ 4 سال تک میں اس کی تلاش کرتا رہا، آخر مجھے معلوم ہوا کہ ایک انصاری صحابی ہیں، ان کے پاس