میں آپ نے توبہ کی، نیک رَستے کے مُسَافِر بنے، پِھر اللہ پاک نے آپ کو اتنا اُونچا مقام نصیب فرمایا کہ ولیوں کے اِمام بن گئے۔

ایک مرتبہ کسی نے آپ سے پوچھا: عالی جاہ! آپ کی زندگی میں اِنْقلاب کیسے آیا ؟ فرمایا: میں خُراسان کے شاہِی خاندان سے تھا، یہ اُن دِنوں کی بات ہے، جب میں جوان تھا، ایک دِن میں شِکار کے ارادے سے جنگل کی طرف نکلا، میں شکار کے لئے جانور ڈُھونڈ رہا تھا کہ اچانک مجھے غیب سے ایک آواز آئی، کوئی کہنے والا کہہ رہا تھا: اے ابراہیم! کیا تمہیں اس لئے پیدا کیا گیا ہے؟ میں نے گھبرا کر اِدھر اُدھر دیکھا، کوئی بھی نظر نہیں آ رہا تھا، کچھ دَیْر کے لئے مجھ پر سکتہ سا طاری ہو گیا، تھوڑی دَیر کے بعد جب میرے حوّاس بحال ہوئے تو میں پِھر شکار کے لئے جانور ڈھونڈنے لگا، ابھی کچھ ہی دَیْر گزری تھی کہ اچانک وہ زمین جس پر میں چل رہا تھا، اس کے اندر سے آواز آئی: اے اِبْراہیم! اس میں کوئی شک نہیں کہ تمہیں ان کاموں کے لئے پیدا نہیں کیا گیا۔ اس غیبی آواز نے تو میرے دِل کی دُنیا بدل دِی، میرا مُلازِم جو بکریاں چرا رہا تھا، میں نے اپنا قیمتی لباس اُسے دیا، اس کا سادہ سا اُونی لباس خود پہنا اور سب کچھ چھوڑ چھاڑ کر مکہ مکرمہ کی طرف چلا گیا۔^([1])

یاخدا میری مغفرت فرما                                                                                         باغِ فِردوس مَرحَمَت فرما

تُو گناہوں کو کر مُعاف اللہ!                                                                               میری مَقْبُول معذِرت فرما

مصطَفٰے کا وسیلہ توبہ پر                                                                                                       تُو عنایت مُداوَمَت فرما

دینِ اسلام پر مجھے یارب                                                                                       اِستِقامت              تُو              مَرحَمَت              فرما^([2])