جو شرف مليو آهي ته پوءِ اٿندي، ويهندي، هلندي ۽ گهمندي به قرآن پاڪ جي تلاوت ٿي سگهي ٿي. جيڪڏهن حفظ ناهي ڪيو ته به ڪجهه وقت روزانو تلاوت لاءِ ڪڍڻ گهرجي. هڪ مسلمان جيڪو الله ۽ رسول تي ايمان رکي ٿو، قرآن پاڪ کي ربّ جو ڪلام مڃي ٿو، ڇا ان جي زندگي قرآن کانسواءِ گذري سگهي ٿي؟ گھڻو نه سهي، * روزانو هڪ ڪلاڪ ئي تلاوت لاءِ رکو! * هڪ ڪلاڪ نه ته اڌ ڪلاڪ، * اڌ ڪلاڪ نه ته 15 منٽ، * 15 منٽ نه ته گهٽ ۾ گهٽ 5 منٽ ته هر مصروف ماڻهو به ڪڍي سگهي ٿو. جيڪڏهن اسان ڪوشش ڪريون، روزانو * هڪ رڪوع، * ٻه رڪوع، * اڌ سيپارو، پورو سيپارو، الله پاڪ توفيق ڏي ته، * ٻه سيپارا، * ٽي سيپارا ، * چار سيپارا  تلاوت ڪريون! مفتي فاروق صاحب رَحۡمَةُ اللهِ عَلَيۡه ڏسو! روزانو هڪ منزل جي تلاوت ڪندا هئا، قرآن پاڪ جون ڪل 7 منزلون آهن، يعني مفتي صاحب 7 ڏينهن ۾ پورو قرآن پاڪ ختم ڪري وٺندا هئا.

تلاوت جا ثواب

الله پاڪ توفيق عطا فرمائي، تلاوتِ قرآن تمام فضيلت وارو عمل آهي.

* تلاوتِ قرآن افضل عبادت آهي.^([1]) * قرآن پاڪ جو هڪ حرف پڙهڻ تي 10 نيڪين جو ثواب ملندو آهي. ^([2]) * قرآن پڙهڻ سان رحمت نازل ٿئي ٿي، ملائڪ پرن سان ڇانوَ ڪن ٿا، سڪينو نازل ٿيندو آهي^([3]) * جيڪو صبح جو قرآن ختم ڪري ٿو ته شام تائين ۽ جيڪو شام جو ختم ڪري ٿو ته صبح تائين ملائڪ ان لاءِ رحمت جي دعا ڪن ٿا.^([4]) * قيامت جي ڏينهن قرآن پنهنجي