Book Name:Saaray Oonchon Se Ooncha Hamara Nabi
پۀ حديثِ پاک کښې دي: اِنَّمَا الْاَعْمَالُ بِالنِّیَّات د اعمالو دار و مدار پۀ نيتونو دے۔ ([1])
اے د خوږ نبي صَلَّى اللهُ عَلَيْهِ وَاٰلِهٖ وَسَلَّم عاشقانو! پۀ ښو ښو نيتونو د عمل ثواب زياتيږي۔ راځئ چې د بيان اوريدو نه مخكښې څۀ ښۀ ښۀ نِيَّتونه وكړو: مَثَلاً * د الله پاک د رضا د پاره به ټول بيان اورم * پۀ اَدب به کښينم * ښۀ پۀ توجُّه به بيان اورم * څۀ چې واورم، د هغې به د يادولو، پخپله پرې د عمل کولو او نورو ته د رَسولو کوشش کووم۔
صَلُّوا عَلَی الْحَبِیب! صَلَّی اللهُ علٰی مُحَمَّد
يو ځل نيمه شپه وه، د الله پاک د نبي حضرت عيسیٰ عَلَیْهِ السَّلَام حَوّاريانو (يعنې پۀ هغوئي باندې ايمان راوړنکو خوش قِسمتو) نـمونځ ادا کړو، بيا د حضرت عيسیٰ عَلَیْهِ السَّلَام خوا ته راجمع شول۔ دا يوه ځانګړې شپه وه، نا اشنا شپه وه، کومه شپه وه؟ پخپله يـې د حضرت عيسیٰ عَلَیْهِ السَّلَام د خُلې مبارکې نه واورئ!
هغوئي خپلو حواريانو ته وفرمائيل: نن هٰغه شپه ده کومه چې به د مسيحا رسول (يعنې مُحَمَّد مصطفٰے صَلَّى اللهُ عَلَيْهِ وَاٰلِهٖ وَسَلَّم ) پۀ زمانه کښې هر کال د جشن پۀ طور باندې نمانځلے شي، ځکه زۀ نه غواړم چې نن مونږه اوده شو بلکې چي نن مونږ د خپل رَبِّ کريم پۀ حضور کښې 100 کرته سر ټيټ کړو او نـمونځ ادا کړو، د خپل رَبّ پۀ حضور کښې