12 دینی کاموں میں سے ایک کام درس بھی ہے -حدیثِ پاک میں ہے: عِلْمِ (دِین) سیکھنا ہر مسلمان پر فَرْض ہے^([1])معلوم ہوا؛ ہر مسلمان پر اس کی موجودہ حالت کے مطابق عِلْمِ دِین سیکھنا ضروری ہے۔ عِلْمِ دین سیکھنے کے بہت ذرائع ہیں، ایک ذریعہ دَرْس بھی ہے۔ الحمد للہ دعوتِ اسلامی کے دینی ماحول میں مسجد، گھر اور چوک وغیرہ پر درس دیا جاتا ہے اور درس کا دورانیہ بھی مختصر ہوتا ہے آپ سے گزارش ہے کہ  آپ بھی شرکت کیا کیجئے!  اِنْ شَآءَ اللہُ الْکَرِیْم! عِلْمِ دِین سیکھنے کو ملے گا، نیک صحبت نصیب ہو گی، دِینی بات کرنا، سننا بھی ذِکْرُ اللہ میں شامِل ہے، دَرْس میں شرکت کی برکت سے ذِکْرُ اللہ کرنے، سننے کا موقع بھی ملے گا ۔

صَلُّوْا عَلَی الْحَبیب!                                                 صَلَّی اللہُ عَلٰی مُحَمَّد

پیارے اسلامی بھائیو! بیان کو اختتام کی طرف لاتے ہوئے سُنّت کی فضیلت اور  چند آدابِ زندگی بیان کرنے کی سَعَادت حاصِل کرتا ہوں۔ تاجدارِ رسالت، شہنشاہِ نبوت صَلّی اللہُ عَلَیْہ وآلِہ وسَلَّم نے فرمایا: مَنْ اَحَبَّ سُنَّتِي فَقَدْ اَحَبَّنِي وَمَنْ اَحَبَّنِي كَانَ مَعِي فِي الْجَنَّةِ جس نے میری سُنّت سے محبت کی اس نے مجھ سے محبت کی اور جس نے مجھ سے محبت کی وہ جنّت میں میرے ساتھ ہو گا۔^([2])

سینہ تیری سُنّت کا مدینہ بنے آقا!                                                            جنت میں پڑوسی مجھے تم اپنا بنانا

صَلُّوْا عَلَی الْحَبیب!                                                 صَلَّی اللّٰہُ عَلٰی مُحَمَّد

زینت کی سنتیں اورآداب