Book Name:Nafarman Bandar Ban Gaye
بڑی ہے، بےشک اللہ پاک اپنے بندوں کی تَوْبَہ قبول فرماتا ہے مگر اِس کا یہ مطلب ہر گز نہیں کہ ہم توبہ کی اُمِّید پر گُنَاہوں اور نافرمانیوں پر دلیر ہو جائیں، تَوبہ بہت اعلیٰ نیکی ہے مگر اِس کی توفیق ہر ایک کو نہیں ملتی، بعض اوقات نافرمانیوں کے وَبَال کے طور پر دِل اُلٹ دئیے جاتے ہیں، اللہ پاک کی لعنت برس جاتی ہے اور توبہ کی توفیق بھی نہیں ملتی، یُوں بندہ بغیر تَوْبَہ کئے، نافرمانیوں میں ڈوبا ہوا ہی موت کے گھاٹ اُتر جاتا ہے۔ اللہ پاک ہمیں ایسی ذِلّت و رُسوائی سے بچائے۔
بڑی کوششیں کی گُنہ چھوڑنے کی رہے آہ! ناکام ہم یااِلٰہی!
جو ناراض تُو ہو گیا تو کہیں کا رہوں گا نہ تیری قسم یااِلٰہی!
مجھے سچی توبہ کی توفیق دیدے پئے تاجدارِ حرم یااِلٰہی!([1])
پیارے اسلامی بھائیو! ہماری سانسیں چل رہی ہیں، ہوش و حواس برقرار ہیں، عقل سلامت ہے، یہ مہلت ہے، موقع ہے، ہمیں چاہئے کہ اسے غنیمت جانیں اور توبہ کر کے نیک رستے کے مُسَافِر بن جائیں۔ اللہ پاک ہمیں توفیق عطا فرمائے۔
توبہ کرنی کیسے ہے؟ یہ بھی سُن لیجئے! اسلام کے پہلے خلیفہ حضرت اَبُو بکر صدیق رَضِیَ اللہُ عنہ بیان کرتے ہیں کہ رسولِ اکرم، نورِ مُجَسَّم صَلَّی اللہُ عَلَیْہِ وَ آلِہٖ وَسَلَّم نے فرمایا :جو شخص بھی کوئی گناہ کر بیٹھے تواچھے طریقے سےوُضُو کر کے 2 رکعت نَماز ادا کرے اور پھر اللہ پاک سے معافی مانگے تو اللہ پاک اُس کی بخشش فرما دیتا ہے۔ ([2])