Book Name:Ghazwa e Badar Aur Seekhne Ki Baatein
ہو سکے تو آپ بھی اجتماعی اعتکاف کی نیت کر لیجئے! اِنْ شَآءَ اللہُ الْکَرِیْم! رمضان شریف میں گُنَاہوں سے بچنے، نیکیاں کرنے، نفل عبادات کا شوق بڑھنے کے ساتھ ساتھ بہت سارا عِلْمِ دین بھی سیکھنے کو ملے گا۔
ایک اسلامی بھائی کے بیان کا خلاصہ ہے: ایک مرتبہ ایک عاشِقِ رسول اسلامی بھائی نے مجھے اجتماعی اعتکاف میں شرکت کی دعوت دی، میں نے ان کی دعوت پر دعوتِ اسلامی کے رمضان شریف میں ہونے والے اجتماعی اعتکاف میں شرکت کی سعادت حاصِل کی۔دورانِ اعتکاف مبلغین اسلامی بھائیوں کے سُنّتوں بھرے بیانات، پُرسوز مناجات اور رِقَّت انگیز دُعاؤں سے میرے دِل کی دُنیا بدل گئی، میں اپنے گُنَاہوں سے توبہ کرتے ہوئے دعوتِ اسلامی کے پاکیزہ دینی ماحول سے وابستہ ہو گیا، اس کی برکت سے میرے کردار اور گُفْتار میں مثبت تبدیلیاں آنے لگیں،میں نے عمامے شریف کا تاج بھی سجا لیا، سُنّت کے مطابق داڑھی شریف بھی رکھ لی اور اَلحمدُ لِلّٰہ! نمازوں کا پابند بھی بَن گیا۔
آئیں گی سُنتیں، جائیں گی شامتیں دینی ماحول میں کر لو تم اعتکاف
تم سدھر جاؤ گے، پاؤ گے برکتیں دینی ماحول میں کر لو تم اعتکاف
مرضِ عصیاں سے چھٹکارا چاہو اگر دینی ماحول میں کر لو تم اعتکاف
فضلِ رب سے ہدایت بھی جائے گی مل دینی ماحول میں کر لو تم اعتکاف
نیکیوں کا تمھیں خوب جذبہ ملے دینی ماحول میں کر لو تم اعتکاف
صَلُّوْا عَلَی الْحَبِیْب! صَلَّی اللہُ عَلٰی مُحَمَّد