Book Name:Ghazwa e Badar Aur Seekhne Ki Baatein
مرے گا (2): مقامِ موت کی خبر کہ فُلاں جگہ مرے گا (3): تیسری نوعیتِ موت کی خبر کہ غیر مُسْلِم رہ کر مرے گا۔ ([1])
عالَم میں کیا ہے جس کی کہ تجھ کو خبر نہیں ذَرَّہ ہے کون سا تری جس پر نظر نہیں
اَرْض و سما نہیں ہیں کہ شمس و قمر نہیں کس چیز پر حبیبِ خُدا کا اَثَر نہیں
یہ عِلْمِ غیب ہے کہ رسولِ کریم نے خبریں وہ دِیں کہ جن کی کسی کو خبر نہیں
صَلُّوْا عَلَی الْحَبِیْب! صَلَّی اللہُ عَلٰی مُحَمَّد
پیارے اسلامی بھائیو! جب صحابۂ کرام رَضِیَ اللہُ عنہم بدر کے میدان میں پہنچے، صحابۂ کرام رَضِیَ اللہُ عنہم نے اس جگہ ایک چَھپر یعنی سایہ دار جگہ بنا دی، تاکہ پیارے آقا، مکی مدنی مصطفےٰ صلی اللہُ عَلَیْہِ وَ آلِہٖ وَسَلَّم یہاں تشریف فرما رہیں۔([2]) روایات میں ہے: پیارے آقا صلی اللہُ عَلَیْہِ وَ آلِہٖ وَسَلَّم اس چَھپر میں تشریف فرما تھے، آپ صلی اللہُ عَلَیْہِ وَ آلِہٖ وَسَلَّم دَیْر تک دُعائیں فرماتے رہے، آپ صلی اللہُ عَلَیْہِ وَ آلِہٖ وَسَلَّم نے اتنی گِڑ گِڑا کر دُعا فرمائی کہ چادَر مبارَک کندھے سے سرَک گئی،([3]) حضرت ابوبکر صِدِّیق رَضِیَ اللہُ عنہ نے عرض کیا: حَسْبُکَ یَارَسُوْلَ اللہ! یعنی یارسُولَ اللہ صلی اللہُ عَلَیْہِ وَ آلِہٖ وَسَلَّم ! اتنی دُعائیں کافی ہیں۔([4]) روایات میں مزید آیا کہ آپ صلی اللہُ عَلَیْہِ وَ آلِہٖ وَسَلَّم نے یہ رات میدانِ بدر میں اللہ پاک سے دُعائیں مانگتے ہوئے بسر فرمائی۔([5])
[1]... مراۃ المناجیح، جلد:8، صفحہ:171 بتصرف۔
[2]... سیرۃ ابن ہشام، جز:2، جلد:1، صفحہ:211۔
[3]... مصنف ابن ابی شیبہ، کتاب المغازی، باب غزوۃ بدر الکبریٰ و متی ...الخ، جلد:8، صفحہ:474، حدیث:32۔
[4]... بخاری، کتاب الجہاد و السیر، باب ما قیل فی درع...الخ، صفحہ:752، حدیث:2915۔
[5]... مصنف ابن ابی شیبہ، کتاب المغازی، باب غزوۃ بدر الکبریٰ و متی ...الخ، جلد:8، صفحہ:472، حدیث:27۔