نصیحت کرتے ہوئے فرمایا: عَلَیْکَ بِتَقْوَی اللّٰہِ فَاِنَّہٗ جِمَاعُ کُلِّ خَیْرٍ تم پر تقویٰ لازِم ہے کہ بےشک تقویٰ تمام بھلائیوں کا مجموعہ ہے۔^([1])

دے حُسْنِ اَخْلاق کی دولت       کر دے عطا اِخْلاص کی نعمت

مجھ کو خزانہ دے تقویٰ کا      یااللہ!     مِری      جھولی      بھر     دے^([2])

عزّت ساری کی ساری تقویٰ میں ہے

اللہ پاک قرآنِ کریم میں ارشاد فرماتا ہے:

اِنَّ اَكْرَمَكُمْ عِنْدَ اللّٰهِ اَتْقٰىكُمْؕ- (پارہ:26،الحجرات:13)

تَرْجَمَۂ کَنْزُالْعِرْفَان:بیشک اللہ کے یہاں تم میں زیادہ عزت والا وہ ہے جو تم میں زیادہ پرہیزگار ہے۔

معلوم ہوا ؛ اللہ پاک کی بارگاہ میں عزّت و فضیلت کا مدار نسب نہیں بلکہ پرہیزگاری ہے لہٰذا ہر مسلمان کو چاہئے کہ وہ نسب (Cast)پر فخر کرنے سے بچے اور تقویٰ و پرہیز گاری اختیار کرے تاکہ اللہ پاک کی بارگاہ میں اسے عزت و فضیلت نصیب ہو۔^([3])

ایک عربی شاعِر کہتا ہے:

مَا یَصْنَعُ الْعَبْدُ بِعِزِّ الْغِنیٰ         وَالْعِزُّ     کُلُّ     الْعِزِّ     لِلْمُتَّقِیْ^([4])

ترجمہ:انسان مال و دولت کی عزّت کا کیا کرے گا؟ عزّت تو ساری کی ساری مُتقی کے لئے ہے۔

اللہ پاک ہمیں تقویٰ نصیب فرمائے۔ آمِیْن بِجَاہِ خَاتَمِ النَّبِیّٖن  صَلَّی اللہُ عَلَیْہِ وَ آلِہٖ وَ سَلَّم