صَلُّوْا عَلَی الْحَبِیْب!                                                                                      صَلَّی اللہُ عَلٰی مُحَمَّد

زبور شریف :

                                                زبور شریف وہ  آسمانی کتاب ہے جو اللہ تعالیٰ نے حضرت داؤد عَلَیْہِ السَّلَام   پر نازل فرمائی ، ارشاد باری تعالیٰ ہے :

وَّ اٰتَیْنَا دَاوٗدَ زَبُوْرًا(۵۵) ^([1])

ترجمہ : اور ہم نے داؤد کو زبور عطا فرمائی۔

                                                اس  مقدس  کتاب میں ایک سو پچاس سورتیں تھیں ، سب میں دعا ، اللّٰہ تعالیٰ کی ثنا اور اس کی تَحمید وتَمجید  کا بیان ہے ، نہ اس میں حلال و حرام کا بیان ہے ، نہ فرائض  اورنہ ہی حدود و اَحکام کا۔ ⁽²⁾

گنہگاروں کو خوشخبری صدیقین کو ڈر :

نبی کریم صَلَّی اللہُ عَلَیہِ وَاٰلِہٖ وَسَلَّم  نے ارشاد فرمایا : اللہ تعالیٰ نے حضرتِ داؤد عَلَیْہِ السَّلَام  کی طر ف وحی بھیجی : اے داؤد!  گنہگاروں کو خوشخبری دے د و اور صدیقین کو ڈرسناؤ۔ حضرت داؤد عَلَیْہِ السَّلَام  کو اس بات پر بڑاتعجب ہوا ، تو انہوں نے عرض کی : یا رب! میں گنہگاروں کوکیا خوشخبری دوں اور صدیقین کو کیا ڈرسناؤں؟ارشاد فرمایا : اے داؤد!  گنہگاروں کو یہ خوشخبری سنا دو کہ کوئی گناہ میری بخشش سے بڑا نہیں اور صدیقین کو اس بات کا ڈرسناؤ کہ وہ اپنے نیک اعمال پر خوش نہ ہو ں کہ میں نے جس سے بھی اپنی نعمتوں کا حساب لیاوہ تباہ وبرباد ہوجائے گا۔ اے داؤد!  اگر تو مجھ سے محبت کرنا چاہتاہے تو دنیا کی محبت  اپنے دل سے نکال دے کیونکہ میری اور دنیا کی محبت ایک دل میں جمع نہیں ہوسکتیں۔ اے داؤد!  جو مجھ