وَ مِنَ الشَّیٰطِیْنِ مَنْ یَّغُوْصُوْنَ لَهٗ وَ یَعْمَلُوْنَ عَمَلًا دُوْنَ ذٰلِكَۚ-وَ كُنَّا لَهُمْ حٰفِظِیْنَۙ(۸۲)  (پ۱۷ ، الانبیاء : ۸۲)

ترجمہ : اور کچھ جنات کو (سلیمان کے تابع کردیا) جو اس کے لیے غوطے لگاتے اور اس کے علاوہ دوسرے کام بھی کرتے اور ہم ان جنات کو روکے ہوئے تھے۔

 (3) آپ عَلَیْہِ السَّلَام  کو داؤد عَلَیْہِ السَّلَام کا جانشین بنایا ، پرندوں کی بولی سکھائی ، بادشاہوں اور انبیاءِ کرام عَلَیْہِمُ السَّلَام   کو دی جانے والی  چیزوں جیسی چیزیں عطا کی گئیں ۔ ارشادباری تعالیٰ ہے :

وَ وَرِثَ سُلَیْمٰنُ دَاوٗدَ وَ قَالَ یٰۤاَیُّهَا النَّاسُ عُلِّمْنَا مَنْطِقَ الطَّیْرِ وَ اُوْتِیْنَا مِنْ كُلِّ شَیْءٍؕ-اِنَّ هٰذَا لَهُوَ الْفَضْلُ الْمُبِیْنُ(۱۶) (پ۱۹ ، النمل : ۱۶)                                                                                                                                                                                                                                                                          

ترجمہ : اور سلیمان داؤد کے جانشین بنے اور فرمایا : اے لوگو!ہمیں پرندوں کی بولی سکھائی گئی ہے اور ہر چیز میں سے ہم کو عطا ہوا ، بیشک یہی (اللہ کا)کھلا فضل ہے۔

(4)آپ جیسی سلطنت کسی کو نہ دی گئی ، چنانچہ قرآن پاک میں ہے کہ آپ عَلَیْہِ السَّلَام   نےیہ دعا فرمائی :

وَهَبْ لِیْ مُلْكًا لَّا یَنْۢبَغِیْ لِاَحَدٍ مِّنْۢ بَعْدِیْۚ-اِنَّكَ اَنْتَ الْوَهَّابُ(۳۵)  (پ۲۳ ، ص : ۳۵)                                                   

ترجمہ : اور مجھے ایسی سلطنت عطا فرماجو میرے بعد کسی کو لائق نہ ہوبیشک تو ہی بہت عطا فرمانے والا ہے۔

آپ عَلَیْہِ السَّلَام   کی یہ  دعا قبول ہوئی اور آپ کو ویسی سلطنت عطا فرمادی گئی۔

صَلُّو ْا عَلَی الْحَبیب!                                              صَلَّی اللہُ عَلٰی مُحَمَّد

سیرتِ سلیمان عَلَیْہِ السَّلَام کے اہم واقعات

حضرت سلیمان عَلَیْہِ السَّلَام اور چیونٹی کا واقعہ :

حضرت سلیمان عَلَیْہِ السَّلَام  چیونٹیوں کی بولی  سننے اور سمجھنے کی طاقت رکھتے تھے جیسا کہ قرآن مجید میں  ہے۔ ایک مرتبہ حضرت سلیمان عَلَیْہِ السَّلَام اپنے لشکروں کے ساتھ پیدل سفر فرما رہے تھے ، اس