ٻڌڻ کان پهريان سٺيون سٺيون نيتون ڪري وٺون ٿا، مثال طور نيت ڪريو! * رضاءِ الٰهي جي لاءِ مڪمل بيان ٻڌندس * اَدَب سان ويهندس * بيان دروان سُستي کان بچندس * پنهنجي اِصلاح جي لاءِ بيان ٻُڌندس * جيڪو ٻُڌندس، اهو ٻين تائين پهچائڻ جي ڪوشش ڪندس۔

 صَلُّو ْا عَلَي الْحَبيب!                                                                                             صَلَّي الله عَلٰي مُحَمَّد

صِدّيقِ اڪبر رَضِىَ اللهُ عَنْه جهڙا ٿي وڃو!

   سيپارو: 3 سورة آلِ عمران، آيت: 79 ۾ الله پاڪ فرمائي ٿو:

کُوۡنُوۡا رَبّٰنِیّٖنَ  (سيپارو: 3 سورة آلِ عمران، آيت: 79)

ترجمو ڪنزالعرفان: الله وارا ٿي وڃو.

   حضرت ابو عبّاس عطاء رَحْمَةُ اللهِ عَلَيْه جي خدمت ۾ سوال ٿيو: هن آيتِ ڪريمه ۾ الله پاڪ اسان کي ڪهڙي شخصيت جهڙو ٿيڻ جو حڪم ڏنو آهي؟ فرمايائون: هن آيت ۾ حڪم ڏنو ويو آهي ته توهان صِدّيقِ اڪبر رَضِىَ اللهُ عَنْه جهڙا بڻجي وڃو! (ڇوته جهڙو ربّاني يعني الله وارو صِدّيقِ اڪبر رَضِىَ اللهُ عَنْه آهي، انبياءِ ڪرام عَلَيهمُ السَّلَام کان بعد اهڙو الله وارو ٻيو ڪير به نه آهي)، حضرت صِدّيقِ اڪبر رَضِىَ اللهُ عَنْه اهڙا ربّاني (الله وارا) آهن، سندن الله پاڪ تي، توحيد تي اهڙو ڪامل ايمان آهي جو زماني جو ڪوبه حادثو ايستائين جو پوري زمين هيڏانهن کان هوڏانهن ٿي وڃي، پوءِ به ابوبڪر صديق رَضِىَ اللهُ عَنْه جي دل تي ان جو ڪو اثر ناهي ٿيندو، سندن دل ۾ ايمان پوري عزت ۽ شان و شوڪت سان قائِم رهندو آهي.^[1]

 سُـبْحٰـنَ الـلّٰــه! پيارا اسلامي ڀائرو! حضرت عطاء رَحْمَةُ اللهِ عَلَيْه جي هن وضاحت مطابق قرآنِ ڪريم ۾ اسان کي مسلمانن جي پهرين خليفي، خليفةُ الرَّسول، صديقِ