Book Name:Faizan e Hazrat Junaid Baghdadi
د وړومبئ ورځې روژه د 3 کالو کفاره ده، د دويمې ورځې روژه د 2 کالو او د دريمې ورځې روژه د يو کال کفاره ده، بيا د هرې ورځې روژه د يوې مياشتې کفاره ده (يعنې د رَجَب شريف دا روژې د وړو ګناهونو د معافئ ذريعه جوړيږي).[1]
(1): حضرت اَنَس رَضِىَ اللهُ عَـنْهُ فرمائي چې د دواړو جهانونو مالِک و مختار، مکي مدني سرکار صَلَّى اللهُ عَلَيْهِ وَاٰلِهٖ وَسَلَّم په بارګاه کښې عرض اوکړے شو چې د رَمَضان نه پس کومې روژې افضل دي؟ اوئې فرمائيل: د رمضان د تعظيم د پاره د شعبان، بيا عرض اوکړے شو، کومه صدقه افضل ده؟ اوئې فرمائيل: د رمضان په مياشت کښې صدقه کول.[2] (2) حضرت اُسامه بن زَيد رَضِىَ اللهُ عَـنْهُ فرمائي: ما عرض اوکړو: يا رسولَ الله صَلَّى اللهُ عَلَيْهِ وَاٰلِهٖ وَسَلَّم زه تاسو د شعبان په روژو نيولو وينم چې تاسو صَلَّى اللهُ عَلَيْهِ وَاٰلِهٖ وَسَلَّم په بَله يوه مياشت کښې هم داسې روژې نه نيسئ. اوئې فرمائيل: د رَجَب او رمضان په مينځ کښې دا مياشت ده، خلق د دې نه غافِله دي. په دې کښې د خلقو اعمال د الله پاک په لور اوچتولے شي او زما دا خوښه ده چې زما عمل په دې حالت کښې اوچت کړے شي چې زما روژه وي.[3]