Book Name:Faizan e Hazrat Junaid Baghdadi
سترګو ته خو به اوبه ځي او د يو کافِر په وينا د اودس پريښودو اجازت هم نشي کيدے، ځکه حضرت جنيد بغدادي رَحْمَةُ اللهِ عَلَيْه د کافِر طبيب په هدايت باندې هيڅ عمل اونکړو، اودس ئې اوکړو، د ماسخُتن لمُونځ ئې ادا کړو او اوده شو، سحر چې راپاڅيدو نو سترګې ئې بالکل ټيک شوې وې، هغه وخت غيبي آواز راغے: اے جنيده! تا د عبادت د پاره د خپلو سترګو پرواه اونکړه، ځکه مونږه ستا تکليف لرې کړو.
کله چې هغه کافِر طبيب ته پته اولګيده چې د هغوئي رَحْمَةُ اللهِ عَلَيْه سترګې بالکل ټيک شوې دي نو هغه په حيرانتيا سره پوښتنه اوکړه: په يوه شپه کښې سترګې څنګه ټيک شوې؟ اوئې فرمائيل: د اودس کولو سره. په دې باندې کافِر طبيب اووئيل: په اَصل کښې طبيب تاسو ئې او زه مريض يم، اوس زما علاج اوکړئ او کلمه ئې اووئيله او مسلمان شو! [1]
دے شوقِ تلاوت دے ذَوقِ عبادت رہوں بَاوُضو میں سدا یا الٰہی!
میں پانچوں نَمازیں پڑھوں باجماعت ہو توفیق ایسی عطا یا الٰہی!
خوږو او محترمو اسلامي وروڼو! حضرت جنيد بغدادي رَحْمَةُ اللهِ عَلَيْه د دُنيا او د مال و دولت د مينې نه ډير لرې او د عبادت و رياضت ډير شوق لرلو، يو ځل د هغوئي په خدمت کښې يو مالداره کَس حاضر شو، هغه د هغوئي رَحْمَةُ اللهِ عَلَيْه په خدمت کښې 500 درهمه (يعنې د سپينو زرو سِکّے) وړاندې کړې او عرض ئې اوکړو: حضور! دا وړه شان نذرانه قبوله کړئ. حضرت