Book Name:اِنَّا لِلّٰہ Parhnay Ki Barkatein
رات کو جلدی نہ سونا کہ جلدی نہیں سوئیں گے تو تہجد سے مَحْرُومی ہو سکتی ہے جبکہ اتنی دَیْر سے سونا کہ فجر کے لئے آنکھ ہی نہ کھل سکے ، یہ تو گُنَاہ ہے ، اس سے بچنا لازِم ہے۔
خیر ! ہر وہ کام جو اگرچہ جائِز ہو مگر وہ نیکیوں سے مَحْرُومی کا سبب بن رہا ہو تو اس سے بچنا ہی بہتر ہے۔ ہمیں کوشش کرنی چاہئے کہ ایسے مواقع خُود پیدا کریں ، جن کے ذریعے زیادہ سے زیادہ نیکیاں کمانے کا موقع مِل جائے ، مثلاً * ہاتھ میں تسبیح رکھ لیجئے ، اس کی برکت سے موقع بہ موقع ذِکْر و درود ہوتا رہے گا * گھر سے وُضُو کر کے مسجد میں جانے کی عادَت ( Habit ) بنائیے ، نیکیاں زیادہ ملیں گی * ہو سکے تو پیدل چل کر مسجد جائیے ، اس میں مشقت ہو گی تو اِنْ شَآءَ اللہ الْکَرِیْم ! ! ثواب زیادہ ملے گا * میرے شیخِ طریقت ، امیرِ اہلسنت دَامَتْ بَرَکاتہمُ الْعَالِیَہ کپڑے کی نرم ٹوپی پر عِمَامہ باندھتے ہیں ، یہ بھی نیکیاں کمانے کا ایک ذریعہ ہے کہ جب جب عِمَامہ شریف اُتاریں گے ، وہ کھل جائے گا ، دوبارہ باندھنا پڑے گا ، یُوں ہر بار عمامہ شریف باندھنے کا ثواب ملتا رہے گا اور اگر ہر بار ایک ایک پیچ کر کے کھولیں گے تو اس پر اِنْ شَآءَ اللہ الْکَرِیْم ! نیکیاں ملیں گی * اسی طرح فجر کے لئے جگانے کی عادَت بنا لیجئے ! اس کی برکت سے نمازِ فجر باجماعت پڑھنے پر پابندی مل جائے گی * مسجد دَرْس شروع کر دیجئے ! نمازِ باجماعت پر پابندی مل جائے گی * گھر میں دَرْس شروع کر دیجئے ! اِنْ شَآءَ اللہ الْکَرِیْم ! گھر میں دِینی ماحول بھی بنے گا ، ثواب بھی ملے گا اور اس کی برکت سے گھر میں ہونے والی کافِی بےاحتیاطیوں سے بھی بچ جائیں گے۔
غرض؛ اچھا یہی ہے کہ ہم آخرت کی فِکْر کریں ، ہر وہ کام جو نیکیوں سے مَحْرُوم کرنے والا ہو ، اس سے بچنے کی کوشش کریں اور ہر وہ کام جو زیادہ سے زیادہ نیکیاں کمانے کا سبب بنے ، وہ کام اپنانے کی کوشش ( Effort ) کریں۔ اگر جذبہ سچا ہو تو اِنْ شَآءَ اللہ الْکَرِیْم ! راہیں